MI-W vs UPW-W : મુંબઈ ઈન્ડિયન્સે યૂપી વોરિયર્સને 72 રને હરાવ્યું, ફાઈનલમાં જગ્યા બનાવી
આજે મહિલા પ્રીમિયર લીગમાં એલિમિનેટર મેચ શરૂ થઇ રહી છે. આજે પ્રથમ મુકાબલો મુંબઇ અને યૂપી વચ્ચે છે. આ પહેલા આ બન્ને ટીમો બે વાર આમને સામને ટકરાઇ ચૂકી છે.
મુંબઈ ઈન્ડિયન્સે એલિમિનેટર મેચમાં યૂપી વોરિયર્સ સામે મોટી જીત મેળવી છે. મુંબઈએ આ મેચ 72 રને જીતીને ફાઇનલમાં જગ્યા બનાવી હતી. ફાઈનલમાં દિલ્હી કેપિટલ્સ સાથે ટકરાશે. જે પોઈન્ટ ટેબલમાં ટોચ પર છે. આ મેચ 26 માર્ચે મુંબઈના બ્રેબોર્ન સ્ટેડિયમમાં રમાશે. ઈસી વોંગની હેટ્રિકને કારણે મુંબઈએ શાનદાર જીત મેળવી છે.
યૂપી વોરિયર્સની અડધી ઈનિંગ્સ પૂરી થઈ ગઈ છે. તેણે 10 ઓવરમાં ચાર વિકેટ ગુમાવીને 63 રન બનાવ્યા છે. તેને જીતવા માટે બાકીની 10 ઓવરમાં 120 રન બનાવવાના છે. કિરણ નવગીરે 17 બોલમાં 27 અને દીપ્તિ શર્મા 11 બોલમાં ત્રણ રન રમી રહી છે.
મુંબઈ ઈન્ડિયન્સે યૂપી વોરિયર્સને 183 રનનો ટાર્ગેટ આપ્યો છે. મુંબઈએ 20 ઓવરમાં ચાર વિકેટે 182 રન બનાવ્યા હતા. મુંબઈ માટે નતાલી સીવર બ્રન્ટે શાનદાર ઇનિંગ રમી હતી. તેણે 38 બોલમાં અણનમ 72 રન બનાવ્યા હતા. આ દરમિયાન તેના બેટમાંથી નવ ચોગ્ગા અને બે છગ્ગા નીકળ્યા હતા. કેપ્ટન હરમનપ્રીત કૌરે 15 બોલમાં 14 રન બનાવ્યા હતા. પૂજા વસ્ત્રાકર ચાર બોલમાં 11 રન બનાવીને અણનમ રહી હતી. યૂપી વોરિયર્સ તરફથી સોફી એક્લેસ્ટોને બે વિકેટ ઝડપી હતી. અંજલિ સરવાણી અને પાર્શ્વી ચોપરાને એક-એક સફળતા મળી.
યૂપી વોરિયર્સને પાંચમી ઓવરમાં પ્રથમ સફળતા મળી હતી. યસ્તિકાના આઉટ થયા બાદ નતાલી સાયવર બ્રન્ટ ક્રિઝ પર આવી છે. મુંબઈએ પાંચ ઓવરમાં એક વિકેટે 37 રન બનાવ્યા છે.
યૂપી વોરિયર્સ: એલિસા હીલી (c/wk), શ્વેતા સેહરાવત, સિમરન શેખ, તાહલિયા મેકગ્રા, ગ્રેસ હેરિસ, કિરણ નવગીરે, દીપ્તિ શર્મા, સોફી એક્લેસ્ટોન, અંજલિ સરવાની, પાર્શ્વી ચોપરા, એસ યશશ્રી.
મુંબઈ ઈન્ડિયન્સ: હીલી મેથ્યુસ, યાસ્તિકા ભાટિયા (wk), નતાલી સીવર બ્રન્ટ, હરમનપ્રીત કૌર (c), એમેલિયા કેર, પૂજા વસ્ત્રાકર, ઈસી વોંગ, અમનજોત કૌર, હુમૈરા કાઝી, જિંતિમની કલિતા, સાયકા ઈશાક.
યૂપી વોરિયર્સે મુંબઈ ઈન્ડિયન્સ સામે ટોસ જીતીને પ્રથમ બોલિંગ કરવાનો નિર્ણય કર્યો હતો. મુંબઈની ટીમ પ્રથમ બેટિંગ કરશે. મુંબઈની કેપ્ટન હરમનપ્રીત કૌરે ટીમમાં એક પણ ફેરફાર કર્યો નથી. યૂપી વોરિયર્સની ટીમમાં ગ્રેસ હેરિસની વાપસી થઈ છે. શબનમ ઈસ્માઈલને બહાર કરવામાં આવી છે.
મહિલા પ્રીમિયર લીગની એલિમિનેટર મેચ મુંબઈ ઈન્ડિયન્સ અને યુપી વોરિયર્સ વચ્ચે છે. મુંબઈ ઈન્ડિયન્સ તેની શરૂઆતની પાંચ મેચ જીત્યા બાદ સતત બે મેચ હારી ગઈ હતી, પરંતુ છેલ્લી મેચ જીતીને એલિમિનેટરમાં પહોંચી હતી. શરૂઆતમાં આ ટીમ સીધી ફાઇનલમાં પહોંચવાની રેસમાં સૌથી આગળ હતી. યુપીની ટીમ સતત મેચ જીતવામાં સફળ રહી નથી. છેલ્લી લીગ મેચમાં પણ આ ટીમ દિલ્હી સામે હારી ગઈ હતી. આ સ્થિતિમાં બંને ટીમો વધુ અનુભવી અને સંતુલિત ટીમને મેદાનમાં ઉતારવા માંગશે.
બ્રેકગ્રાઉન્ડ
WPL 2023, MI-W vs UPW-W: આજે મહિલા પ્રીમિયર લીગમાં એલિમિનેટર મેચ શરૂ થઇ રહી છે. આજે પ્રથમ મુકાબલો મુંબઇ અને યૂપી વચ્ચે છે. આ પહેલા આ બન્ને ટીમો બે વાર આમને સામને ટકરાઇ ચૂકી છે. જેમાંથી એક મેચ મુંબઇ ઇન્ડિયન્સે જીતી છે, અને એક મેચ યૂપી વૉરિઅર્સને પોતાના નામે કરી છે. બન્ને ટીમોની વચ્ચે કાંટાની ટક્કર જોવા મળી રહી છે.
પૉઇન્ટ ટેબલમાં સ્થિતિ -
મુંબઇ ઇન્ડિયન્સ વિરુદ્ધ યૂપી વૉરિઅર્સ પૉઇન્ટ ટેબલમાં બન્ને ખુબ મજબૂત ટીમો છે. મુંબઇ પૉઇન્ટ ટેબલમાં બીજા નંબર પર છે, તો વળી, યૂપી વૉરિઅર્સ ત્રીજા નંબર પર છે, તેને 8 માંથી 4 મેચો જીતી છે. આવામાં આ મેચ ખુબ રોમાંચક રહેવાની પુરેપુરી સંભાવના છે.
- - - - - - - - - Advertisement - - - - - - - - -