સૂર્ય કુમાર યાદવે જે વીડિયો શેર કર્યો છે તેમાં તે ટી-શર્ટ અને શોર્ટ્સ પહેરીને ઘરમાં પોતા કરતો જોવા મળી રહ્યો છે. તેની પાસે એક ડોગ બેઠો છે જે તેની સામે જોઇ પણ રહ્યો નથી. વીડિયોના બ્રેકગ્રાઉન્ડમાં ‘મેરે હાલાત એસે હૈ કી મેં કુછ કર નહી સકતા’ ગીત વાગી રહ્યુ છે. સૂર્યકુમારે વીડિયોના કેપ્શનમાં લખ્યું કે સ્થિતિ એવી છે કે પાબલોએ પણ મોં ફેરવી લીધું છે.
સૂર્યકુમાર યાદવ સોશિયલ મીડિયા પર ખૂબ એક્ટિવ છે. તે પોતાની પત્ની દેવિશા સાથે અનેક વીડિયો શેર કરી ચૂક્યો છે. સૂર્ય કુમાર યાદવ સૈયદ મુશ્તાક અલી ટ્રોફી, રણજી ટ્રોફી, વિજય હઝારે ટ્રોફીમાં રનનો વરસાદ કરી ચૂક્યો છે.