વેસ્ટ ઈન્ડિઝના બેટ્સમેન નિકોલસ પૂરને પોતાની ગર્લફ્રેન્ડન અલિસા મિગુએલ સાથે લગ્ન કરી લીધા છે. પૂરને સોશિયલ મીડિયાના માધ્યથી ફેન્સને જાણકારી આપી હતી. જણાવવામા આવી રહ્યું છે કે બંને 2014થી એકબીજાને ડેટ કરી રહ્યા છે. એકબીજા સાથે લાંબો સમય પસાર કર્યા બાદ લગ્ન કરવાનો નિર્ણય કર્યો છે. પૂરણે મંગળવારે પોતાના આધિકારીક ઈન્સ્ટાગ્રામ એકાઉન્ટ પર આ સમાચારને પ્રશંસકો સાથે શેર કર્યા હતા.
પૂરને લગ્નની જાણકારી શેર કરવા સાથે લખ્યુ હતુ કે, જીજસે જીવનમાં મને અનેક ચીજો આપી છે. પરંતુ મારા જીવનમાં તારા થી વધારે કંઇ જ નથી. મિસ્ટર અને મિસિસ પૂરનનુ સ્વાગત કરો.
પૂરનની પત્ની એલિસા મિગુએલ પણ ઈન્સ્ટાગ્રામ એકાઉન્ટ પર લગ્નની તસવીરો શેર કરી છે. ગત વર્ષે નવેમ્બરમાં નિકોલસ પૂરને ગર્લફ્રેન્ડ એલિસા સાથે સગાઈ કરી હતી. નિકોલસ અને કેથરીનાએ ગત વર્ષ નવેમ્બર માસમાં સગાઇ કરી હતી. બંને બાળપણ ના મિત્રો અને છેલ્લા છ વર્ષ થી એકબીજાને ડેટ કરી રહ્યા હતા.
નિકોલસ પૂરન આઇપીએલમાં પંજાબ કિંગ્સ માટે રમે છે. તે વિસ્ફોટક બેટ્સમેન અને ચુસ્ત ફિલ્ડર તરીકે ગણાય છે. આમ તો તે કિપીંગ પણ કરે છે, પરંતુ પંજાબની ટીમમાં આ ભૂમિકા કેએલ રાહુલ પાસે હોય છે. તો નિકોલસ પૂરન ફિલ્ડીંગ કરે છે. આઇપીએલ 2021 પહેલા હાફમાં પુર્ણ રીતે નિષ્ફળ રહ્યો હતો. તે સાતમાંથી ચાર મેચોમાં ઝીરો પર આઉટ થયો હતો. જોકે આ પહેલા આઇપીએલ 2020માં કમાલની બેટીંગ તેણે કરી હતી.
પૂરને આઇપીએલ માં અત્યાર સુધીમાં 28 મેચ રમ્યો છે. જેમાં 157.76 ની સ્ટ્રાઇક રેટ થી 549 રન બનાવ્યા છે. 25 વર્ષીય ડાબોડી બેટ્સમેને અત્યાર સુધીમાં 25 વન ડે રમી છે. જેમાં 49.1 ના સરેરાશ થી 982 રન બનાવ્યા છે. તો 27 T20 મેચમાં તેના નામે 392 રન નોંધાયેલા છે.