ઘરઆંગણે ટેસ્ટ સિઝનમાં પાકિસ્તાન માટે કંઈ સારું થઈ રહ્યું નથી. ન્યુઝીલેન્ડ સામેની પ્રથમ ટેસ્ટમાં હાર ટાળ્યા બાદ યજમાન ટીમે ન્યૂઝીલેન્ડની ટીમને બીજી ટેસ્ટમાં વાપસી કરવાની શાનદાર તક આપી હતી. કરાચીમાં ચાલી રહેલી બીજી ટેસ્ટમાં ન્યુઝીલેન્ડે એક સમયે 345 રનના સ્કોર પર 9 વિકેટ ગુમાવી દીધી હતી, પરંતુ ત્યારબાદ મેટ હેનરી અને એજાઝ પટેલે 10મી વિકેટ માટે 104 રનની સદીની ભાગીદારી કરીને ટીમને વિશાળ સ્કોર સુધી પહોંચાડી દીધી હતી. ટીમને 449 રનના મોટા સ્કોર સુધી પહોંચાડી દિધી હતી.
મેટ હેનરી 68 રન બનાવી અણનમ રહ્યો હતો જ્યારે પટેલે 35 રન બનાવ્યા હતા. હેનરી-પટેલની જોડીએ 24 ઓવર સુધી પાકિસ્તાની બોલરોને પછાડ્યા હતા. હેનરી-પટેલે ન્યૂઝીલેન્ડ માટે ટેસ્ટ ક્રિકેટમાં 10મી વિકેટ માટે છઠ્ઠી સૌથી મોટી ભાગીદારી કરી હતી. ન્યૂઝીલેન્ડના બ્રાયન હેસ્ટિંગ્સ અને રિચર્ડ કોલિગરે 50 વર્ષ પહેલા પાકિસ્તાન સામે 10મી વિકેટ માટે 151 રનની ભાગીદારી કરી હતી, જે આજે પણ છેલ્લી વિકેટ માટે સૌથી વધુ ભાગીદારીનો રેકોર્ડ છે.
ટેસ્ટ મેચમાં ન્યૂઝીલેન્ડ માટે 10મી વિકેટની સૌથી વધુ ભાગીદારી
151 - બ્રાયન હેસ્ટિંગ્સ - રિચાર્ડ કોલિન્સ વિ પાકિસ્તાન (ઓકલેન્ડ, 1973)
127 - બીજે વોટલિંગ-ટ્રેન્ટ બોલ્ટ વિરુદ્ધ બાંગ્લાદેશ (ચટગાવ, 2013)
124 - જ્હોન બ્રેસવેલ-સ્ટીફન બુક વિ ઓસ્ટ્રેલિયા (સિડની, 1985)
118 - નાથન એસ્ટલ-ક્રિસ કેર્ન્સ વિરુદ્ધ ઈંગ્લેન્ડ (ક્રિસ્ટચર્ચ, 2002)
106* - નાથન એસ્ટલ-ડેની મોરિસન વિરુદ્ધ ઈંગ્લેન્ડ (ઓકલેન્ડ, 1997)
104 - મેટ હેનરી-એજાઝ પટેલ વિરુદ્ધ પાકિસ્તાન (કરાચી, 2023)
આ પહેલા ડેવોન કોનવેએ પાકિસ્તાન સામેની બીજી ટેસ્ટમાં સદી ફટકારીને ઈતિહાસ રચ્યો હતો. કોનવે વર્ષમાં આંતરરાષ્ટ્રીય સદી ફટકારનાર પ્રથમ બેટ્સમેન બની ગયો છે. કોનવેએ ટોમ લાથમ (71) સાથે પ્રથમ વિકેટ માટે 134 રનની ભાગીદારી કરીને ન્યૂઝીલેન્ડને મજબૂત શરૂઆત અપાવી અને ત્યારબાદ હેનરી-પટેલ ટીમને વિશાળ ટોટલ સુધી લઈ ગયા. પાકિસ્તાન સામે ટેસ્ટ જીતવાનો મોટો પડકાર છે. બંને ટીમો વચ્ચે પ્રથમ ટેસ્ટ ડ્રો રહી હતી.
ભારત શ્રીલંકા વચ્ચે મુકાબલો
ભારત અને શ્રીલંકા વચ્ચે પ્રથમ T20 મેચ ભારતીય સમય અનુસાર સાંજે 7.00 વાગ્યાથી રમાશે. ટોસ 6:30 વાગ્યે થશે. મુંબઈના વાનખેડે સ્ટેડિયમમાં ભારત શ્રીલંકા વચ્ચે ટી 20 મુકાબલો રમાશે.
મુંબઈના વાનખેડે સ્ટેડિયમની પીચ બેટ્સમેનો માટે અનુકૂળ માનવામાં આવે છે. બીજી તરફ હવામાનને જોતા અહીં ઝાકળ પડવાની પ્રબળ શક્યતા છે. આવી સ્થિતિમાં ટોસ જીતનારી ટીમ પહેલા બોલિંગ કરવાનું પસંદ કરી શકે છે. જો કે, આ મેદાન પર કોઈપણ રન ચેઝ કરી શકાય છે. આવી સ્થિતિમાં, ઝાકળ સિવાય, ટોસ જીત્યા પછી બોલિંગ કરવાનું બીજું કારણ પણ છે.