2025 ICC Champions Trophy: પાકિસ્તાન 2025ની ચેમ્પિયન્સ ટ્રૉફીની યજમાની કરી રહ્યું છે, પરંતુ આ ટૂર્નામેન્ટ પાકિસ્તાનમાં યોજાશે કે નહીં તેની હજુ સુધી પુષ્ટિ થઈ નથી. ચેમ્પિયન્સ ટ્રૉફીનો સંભવિત કાર્યક્રમ આવી ગયો છે. પાકિસ્તાન દ્વારા ICCને મોકલવામાં આવેલા ડ્રાફ્ટ શિડ્યૂલ મુજબ ભારત અને પાકિસ્તાન વચ્ચેની મેચ લાહોરમાં યોજાવાની છે, પરંતુ બીસીસીઆઈએ આઈસીસીને સ્પષ્ટ કરી દીધું છે કે ટીમ ઈન્ડિયા કોઈ પણ સંજોગોમાં પાકિસ્તાન નહીં જાય. હવે આ મામલે એક નવું અપડેટ સામે આવ્યું છે, જે ખરેખર આશ્ચર્યજનક છે.
મીડિયા રિપોર્ટ્સ અનુસાર, ICCએ પાકિસ્તાન ક્રિકેટ બોર્ડ પાસેથી હાઇબ્રિડ મૉડલની ભારતની ઓફર પર જવાબ માંગ્યો છે. વાસ્તવમાં, BCCIએ સ્પષ્ટ કર્યું છે કે ભારત સરકારે સુરક્ષા કારણોસર ટીમ ઈન્ડિયાને પાકિસ્તાન મોકલવાનો ઈન્કાર કરી દીધો છે. તાજેતરમાં જ પાકિસ્તાનમાં બૉમ્બ બ્લાસ્ટ થયો હતો, જે બાદ ભારતીય ટીમનું પાકિસ્તાન જવું લગભગ અશક્ય બની ગયું હતું.
પાકિસ્તાનના ઈતિહાસ પર નજર કરીએ તો ટીમ ઈન્ડિયા માટે ત્યાં ન જાય તે જ સારું છે. જોકે, પાકિસ્તાન સતત ભારતને ચેમ્પિયન્સ ટ્રૉફી રમવા માટે વિનંતી કરી રહ્યું છે. અહેવાલ છે કે, ભારતે ICC સાથે હાઇબ્રિડ મૉડલમાં ચેમ્પિયન્સ ટ્રૉફી યોજવા અંગે વાત કરી છે, ICCએ આ અંગે PCB પાસેથી જવાબ માંગ્યો છે.
ભારતની વાત માને કે ના માને પાકિસ્તાન, કન્ફોર્મ છે 'હાર'
હવે અહીંની રમત સમજો. જો પાકિસ્તાન હાઇબ્રિડ મૉડલની ભારતની ઓફર સ્વીકારે નહીં તો સમગ્ર ટૂર્નામેન્ટ દક્ષિણ આફ્રિકામાં રમાઈ શકે છે. ઘણા અહેવાલોમાં આ વાત કહેવામાં આવી છે. જો પાકિસ્તાન ભારતની વિનંતીને સ્વીકારે છે અને આ વૈશ્વિક ટૂર્નામેન્ટ હાઇબ્રિડ મૉડલમાં યોજાય છે, તો ટીમ ઈન્ડિયા તેની મેચો દુબઈમાં રમશે. ઘણા અહેવાલોમાં આ વાત કહેવામાં આવી છે. હવે સ્પષ્ટ છે કે ભારત જીતે અને પાકિસ્તાન હારે બંને સંજોગોમાં.
આ પણ વાંચો