ગંભીરનું કહેવું છે કે, રોહિત શર્માને કેપ્ટન ન બનાવવાને કારણે ભારતને નુકસાન થશે. ગંભીરે કહ્યું કે, “જો રોહિત શર્મા ભારતના કેપ્ટન નહીં બને તો તેનાથી ભારતને નુકસાન, ન કે રોહિતને.”
ગંભીરે કેપ્ટન સાથે ટીમ સારી હોવાનું પણ માન્યું. તેણે કહ્યું કે, “હા, ચોક્કસ એક કેપ્ટન એટલો જ સારો હોય છે જેટલી ટીમ સારી હોય છે. તેમાં કોઈ બે મત નથી, પરંતુ અંતે એક કેપ્ટનને ઓળવા માટે શું માપદંડ છે. તમારે કોઈને ઓળખવા માટે એક જ માપદંડ રાખવું જોઈએ. રોહિતે પોતાની ટીમને પાંચ વખત આઈપીએલ ખિતાબ અપાવ્યો છે.”
નોંધનીય છે કે, આ પહેલા પણ ગંભીરે વિરાટ કોહલીને આરસીબીના કેપ્ટન તીરકે હટાવાવની વાત કહી હતી. ગંભીરે કહ્યું હતું કે, જો હું RCB માટે નિર્ણય લેતો હોત તો 100% કોહલીને કપ્તાનીમાંથી કાઢી દેત. ક્યો એવો ખેલાડી હોત કે જેને 8 વર્ષ સુધી તક મળી તેમ છતાં ટ્રોફી ન જીતાડી શક્યો અને કપ્તાની ચાલુ રાખી. હું કોઈ પણ રીતે કોહલીની વિરુધ્ધમાં નથી પણ તમારે મેદાન પર સારુ પ્રદર્શન કરવુ પડતુ હોય છે.
ધોનીએ 3 અને રોહિતે 4 ટાઇટલ જીત્યા છે. રોહિત પણ 8 વર્ષ સુધી ટાઇટલ ન જીત્યા હોત તો તેને પણ કાઢવામાં આવ્યો હોત.
જે બાદ સોશ્યલ મિડીયા પર પણ વિરાટ કોહલીને ટ્રોલ કરવામાં આવ્યો હતો. જો કે આઇપીએલ શરૂ થાય એટલે તરત જ કોહલીને અને બેંગ્લોરની ટીમનો ટ્રોલિંગનો સામનો કરવો જ પડે છે.