IPL 2023 SRH vs RCB: રોયલ ચેલેન્જર્સ બેંગ્લોરે સનરાઈઝર્સ હૈદરાબાદને 8 વિકેટે હરાવ્યું. આ જીત સાથે બેંગ્લોરે ક્વોલિફાયરમાં પહોંચવાની આશા જાળવી રાખી છે. પ્રથમ બેટિંગ કરતા હૈદરાબાદે ક્લાસેનની સદીના કારણે 186 રન બનાવ્યા હતા. જવાબમાં RCBએ બે વિકેટ ગુમાવીને 187 રન બનાવ્યા અને મેચ જીતી લીધી.
હૈદરાબાદની ઇનિંગ્સમાં ક્લાસેનની વિસ્ફોટક સદી
ટોસ હાર્યા બાદ પ્રથમ બેટિંગ કરતા ક્લાસેને હૈદરાબાદ માટે વિસ્ફોટક સદી ફટકારી હતી. ચોથા નંબર પર બેટિંગ કરતા તેણે 51 બોલમાં 104 રન બનાવ્યા હતા. ક્લાસેનની ઇનિંગ્સમાં 8 ચોગ્ગા અને 6 છગ્ગાનો સમાવેશ થાય છે. આ દરમિયાન તેનો સ્ટ્રાઈક રેટ 203.92 હતો. આઈપીએલમાં સદી ફટકારનાર ક્લાસેન હૈદરાબાદનો ચોથો ખેલાડી બન્યો.
આ પહેલા અભિષેક ત્રિપાઠી 11 રન બનાવી પેવેલિયન પરત ફર્યો હતો. બ્રેસવેલે તેને ચાલતો કર્યો. ઓપનર રાહુલ ત્રિપાઠી 12 બોલમાં 15 રન બનાવીને આઉટ થયો હતો. બ્રેસવેલે ત્રિપાઠીને પેવેલિયનનો રસ્તો બતાવ્યો હતો. કેપ્ટન અદીન માર્કરામ 20 બોલમાં 18 રન બનાવીને આઉટ થયો હતો. અંતે હેરી બ્રુક 27 રન બનાવીને અણનમ રહ્યો હતો. તેણે 19 બોલમાં 2 ચોગ્ગા અને 1 છગ્ગો ફટકાર્યો હતા. ગ્લેન ફિલિપ્સ 5 રન બનાવીને આઉટ થયો હતો.
સિરાજ-બ્રેસવેલે બોલિંગમાં શાનદાર પ્રદર્શન કર્યું
આરસીબી માટે સિરાજે શાનદાર બોલિંગ કરી હતી. તેણે 4 ઓવરમાં માત્ર 17 રન આપીને એક વિકેટ લીધી હતી. બ્રેસવેલે 2 ઓવરમાં 13 રન આપીને 2 વિકેટ લીધી હતી. શાહબાઝ અહેમદે 3 ઓવરમાં 38 રન આપીને એક વિકેટ લીધી હતી. હર્ષલ પટેલે 4 ઓવરમાં 37 રન આપીને એક વિકેટ લીધી હતી. કર્ણ શર્મા અને પાર્નેલને એક પણ વિકેટ મળી ન હતી.
રોયલ ચેલેન્જર્સ બેંગ્લોરે સનરાઇઝર્સ હૈદરાબાદને આઠ વિકેટે હરાવ્યું હતું. પ્રથમ બેટિંગ કરતા હૈદરાબાદે ક્લાસેનની સદીના કારણે 186 રન બનાવ્યા હતા. જવાબમાં RCBએ બે વિકેટ ગુમાવીને 187 રન બનાવ્યા અને મેચ જીતી લીધી. RCB માટે વિરાટ કોહલીએ સદી ફટકારી હતી અને કેપ્ટન ફાફ ડુપ્લેસિસે પણ 71 રનની ઇનિંગ રમી હતી. આ મેચમાં જીત સાથે, RCB 14 પોઈન્ટ સાથે પોઈન્ટ ટેબલમાં ચોથા સ્થાને પહોંચી ગઈ છે અને પ્લેઓફની રેસમાં યથાવત છે. હવે આ ટીમ પોતાની છેલ્લી મેચ જીતીને 16 પોઈન્ટ સાથે પ્લેઓફમાં જગ્યા બનાવી શકે છે. આ સાથે જ હૈદરાબાદની ટીમ પ્લેઓફની રેસમાંથી પહેલા જ બહાર થઈ ગઈ છે.