Suryakumar Yadav Viral Video: રોહિત શર્માએ ન્યૂઝીલેન્ડ સામેની શ્રેણીની છેલ્લી વનડેમાં શાનદાર સદી ફટકારી હતી. ભારતીય કેપ્ટને 85 બોલમાં 101 રન બનાવ્યા હતા. તેણે પોતાની ઇનિંગમાં 9 ફોર અને 6 સિક્સર ફટકારી હતી. આ સિવાય રોહિત શર્મા અને શુભમન ગિલ વચ્ચે પ્રથમ વિકેટ માટે 212 રનની ભાગીદારી નોંધાઈ હતી. શુભમન ગિલે પણ તોફાની સદી ફટકારી હતી. આ યુવા બેટ્સમેને 78 બોલમાં 112 રન બનાવ્યા હતા. તેણે પોતાની ઇનિંગમાં 13 ફોર અને 5 સિક્સર ફટકારી હતી. જો કે આ મેચનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે.
 


સૂર્યકુમાર યાદવની પ્રતિક્રિયા સોશિયલ મીડિયા પર વાયરલ થઈ હતી


સોશિયલ મીડિયા પર વાયરલ થયેલા વીડિયોમાં સૂર્યકુમાર યાદવ જોવા મળી રહ્યો છે. વાસ્તવમાં, આ વીડિયો રોહિત શર્માએ સદી પૂરી કર્યા પછીનો છે. રોહિત શર્માની સદી બાદ સૂર્યકુમાર યાદવની ખુશીનો પાર ન રહ્યો. આ પછી સૂર્યકુમાર યાદવે રોહિત શર્માની સદીની પ્રશંસા કરી અને આવી પ્રતિક્રિયા આપી, જે સોશિયલ મીડિયા પર ખૂબ વાયરલ થઈ રહી છે. સૂર્યકુમાર યાદવની પ્રતિક્રિયા ચાહકોને પસંદ આવી રહી છે. ફેન્સ સોશિયલ મીડિયા પર સતત કોમેન્ટ કરીને પોતાનો પ્રતિભાવ આપી રહ્યા છે. જણાવી દઈએ કે જાન્યુઆરી 2020 પછી પહેલીવાર રોહિત શર્માએ ODI ફોર્મેટમાં સદીનો આંકડો પાર કર્યો છે.




ન્યૂઝીલેન્ડને 386 રનનો લક્ષ્યાંક મળ્યો છે


રોહિત શર્માની વનડે કારકિર્દીની આ 30મી સદી છે. બીજી તરફ આ મેચની વાત કરીએ તો ઈન્દોર વનડેમાં ભારતીય ટીમે ન્યૂઝીલેન્ડ સામે જીતવા માટે 386 રનનો લક્ષ્યાંક આપ્યો છે. હકીકતમાં ટીમ ઈન્ડિયાના ઓપનર શુભમન ગિલ અને રોહિત શર્માએ ધમાકેદાર શરૂઆત કરી હતી. બંને બેટ્સમેનોએ તોફાની સદી ફટકારી હતી, પરંતુ તે પછી મોટાભાગના બેટ્સમેનો સસ્તામાં પેવેલિયન પરત ફર્યા હતા. જો કે એક સમયે એવું લાગી રહ્યું હતું કે ટીમ ઈન્ડિયા સરળતાથી 400 રનનો આંકડો પાર કરી લેશે, પરંતુ વચ્ચે વચ્ચે સતત વિકેટ ગુમાવવાને કારણે ટીમ ઈન્ડિયા માત્ર 385 રન સુધી જ પહોંચી શકી હતી. 



ટીમ ઈન્ડિયા તરફથી હાર્દિક પંડ્યાએ પણ શાનદાર બેટિંગ કરતા અડધી સદી ફટકારી હતી.  ભારતે 50 ઓવરમાં 9 વિકેટના નુકસાન પર 385 રન બનાવ્યા હતા. રોહિત શર્માએ 85 બોલમાં 101 રન,  ગિલે 78 બોલમાં 112 રન અને હાર્દિક પંડ્યે 38 બોલમાં 54 રન બનાવ્યા હતા. વિરાટ કોહલીએ 36, શાર્દુલ ઠાકુરે 25, ઈશાન કિશને 17 અને સૂર્યકુમાર યાદવે 14 રનનું યોગદાન આપ્યું હતું.  ન્યુઝીલેન્ડ તરફતી જેકોબ ડફીએ 100 રનમાં 3, ટિકનરે 76 રનમાં 3 વિકેટ લીધી હતી.