T20 World Cup: ટી20 વર્લ્ડકપમાં આજે ભારતનો મુકાબોલ ન્યૂઝીલેન્ડ સામે થશે. બંને ટીમો પાકિસ્તાન સામે પ્રથમ મુકાબલો હારી ચુક્યા છે. જેના કારણે બંને ટીમો સેમિ ફાઈનલમાં પહોંચવા પૂરી તાકાત લગાવશે. ભારતીય સમય મુજબ સાંજે 7.30 કલાકથી મુકાબલો શરૂ થશે. ટુર્નામેન્ટમાં ભારત અત્યાર સુધીમાં એક જ મેચ રમ્યું છે અને તેમાં હાર બાદ અને ક્રિકેટ પંડિતોની વર્લ્ડકપ ફેવરિટ લિસ્ટમાંથી બહાર થઈ ગયું છે. આ પંડિતોમાં આકાશ ચોપડાનું નામ પણ ઉમેરાઈ ગયું છે. પોતાના ટ્વીટમાં આકાશ ચોપડાએ પાકિસ્તાનને ફાઈનલનું દાવેદાર ગણાવ્યું છે અને ભારતને ફાઈનલની રેસમાંથી બહાર રાખ્યું છે અને સોશિયલ મીડિયા પર તેને લઈ ફેન્સ નારાજ થઈ ગયા છે.
કોણ પહોંચી શકે છે ફાઈનલમાં
ગ્રુપ-1માં ઈંગ્લેન્ડ ટોપ પર છે. ઈંગ્લેન્ડે અત્યાર સુધીના તમામ ત્રણેય મુકાબલા જીત્યા છે. તેણે ઓસ્ટ્રેલિયા, બાંગ્લાદેશ અને વેસ્ટ ઈન્ડિઝ ત્રણેય ટીમોને એકતરફી મેચમાં હરાવ્યા છે. જ્યારે ગ્રુપ-2માં પાકિસ્તાન ટોચ પર છે. તેણે ભારત, ન્યુઝિલેન્ડ અને અફઘાનિસ્તાનને હાર આપી છે. આ સ્થિતિમાં મોટાભાગના એનાલિસ્ટ બંને ટીમને વિજેતા તરીકે જોઈ રહ્યા છે. પરંતું માત્ર એક મેચમાં હાર બાદ ભારતને ફાઈનલની દોડમાંથી બહાર કરવાનું ફેન્સને પસંદ પડી રહ્યું નથી.
ફેન્સે આકાશ ચોપડાના લીધા ક્લાસ
ટીમ ઈન્ડિયાના એક ફેને આકાશ ચોપડાને જવાબ આપતાં લખ્યું, માત્ર એક મેચમાં હાર બાદ તમે ટીમ ઈન્ડિયાને વર્લ્ડકપ ફાઇનલની રેસમાંથી બહાર કરી રહ્યા છો. વાહ.. ખૂબ મહાન એનાલિસિસ છે. બીજા યૂઝસે લખ્યું કે , આટલી સરળતાથી હાર ન માની શકાય. ભારત હજુ પણ દોડમાં છે.