શારજાહઃ ટીમ ઈન્ડિયાને આઈસીસી ટી-20 વર્લ્ડ કપ 2021ના ગ્રુપ-2માં રાખવામાં આવી છે, હવે આ ગ્રુપમાં એક એવો દેશ સામેલ થયો છે જેની વસ્તી દિલ્હીથી ઘણી ઓછી છે.
નામીબિયાની ટક્કર ટીમ ઈન્ડિયા સાથે થશે
અમે નામીબિયાની વાત કરી રહ્યા છીએ, જ્યાં સૌથી મહાન ખેલાડી ઓલિમ્પિક સિલ્વર મેડલ વિજેતા સ્પ્રિંટર ફ્રેન્કી ફ્રેડરિક્સ રહી ચૂક્યા છે, પરંતુ હવે આ દેશની ક્રિકેટ ટીમ હવે ભારત સાથે સ્પર્ધા કરવા માટે તૈયાર છે.
નામિબિયાની વસ્તી દિલ્હી કરતાં ઓછી છે
નામિબિયાના સુકાની ગેરહાર્ડ ઈરાસ્મસે તે કરી બતાવ્યું જેની તેના દેશવાસીઓએ કલ્પના પણ નહીં કરી હોય. આ એક એવો દેશ છે જેની વસ્તી 25 લાખ કરતાં થોડી વધુ છે. આ આફ્રિકન દેશે આયર્લેન્ડને હરાવીને ટી 20 વર્લ્ડ કપ સુપર 12 માં પ્રવેશ કર્યો.
નામિબિયાએ આયર્લેન્ડને હરાવ્યું
ટોસ જીતીને પહેલા બેટિંગ કરતા આયર્લેન્ડે નિર્ધારિત 20 ઓવરમાં 8 વિકેટે 125 રન બનાવ્યા હતા. જવાબમાં નામિબિયાએ 18.3 ઓવરમાં 2 વિકેટ ગુમાવીને 126 રન બનાવ્યા હતા અને 8 વિકેટના મોટા અંતરથી મેચ જીતી લીધી હતી.
18 વર્ષ પહેલા ભારત સાથે ટક્કર થઈ હતી
નામીબિયાએ 2003માં 50 ઓવરનો વર્લ્ડ કપ રમ્યો હતો જેમાં ટીમ ઈન્ડિયાએ તેને હરાવ્યું હતું, પરંતુ છેલ્લા 18 વર્ષમાં તેણે પોતાની રમતમાં ઘણો સુધારો કર્યો છે.
નામિબિયાના કેપ્ટનને ગર્વ છે
નામિબિયાના કેપ્ટન ગેરહાર્ડ ઈરાસ્મસે મેચ બાદ પ્રેસ કોન્ફરન્સમાં કહ્યું, 'અમે એક નાનો દેશ છીએ જેમાં બહુ ઓછા લોકો ક્રિકેટ રમે છે. અમને પોતોના પર ગર્વ હોવો છે. હજુ વિજયનો પારો ચડ્યો નથી.
આ ખેલાડીઓ નામિબિયાના મેચ વિનર બન્યા હતા
ગેરહાર્ડ ઇરાસ્મસ અને ડેવિડ વિઝ નામિબિયા માટે મેચ વિનર સાબિત થયા. આ અંગે ખુશી વ્યક્ત કરતા કેપ્ટન ઇરાસ્મસે કહ્યું, "દબાણના સમયે સિનિયર ખેલાડીઓ પર જવાબદારી છે, જે આજે અમે બંનેએ ભજવી હતી. આશા છે કે અમે ભવિષ્યમાં પણ આવું કરી શકીશું."
આયર્લેન્ડનું તુટ્યું દિલ
આયર્લેન્ડના કેપ્ટન એન્ડી બાલબર્નીએ સ્વીકાર્યું કે તેમની ટીમ આ હારને ભૂલી શકશે નહીં. તેણે કહ્યું, 'અમને દુખ થયું છે. અમે જીતવા માંગતા હતા પરંતુ અમે રન બનાવી શક્યા ન હતા. આ હારને ભૂલવી સહેલી નહીં હોય.”
ભારત-નામીબીયા મેચ ક્યારે છે?
ભારત અને નામિબિયા વચ્ચેની મેચ 8 નવેમ્બરે દુબઈ ઈન્ટરનેશનલ સ્ટેડિયમમાં રમાશે. સ્વાભાવિક છે કે 18 વર્ષ પછી બંને ટીમોની ટક્કર ઐતિહાસિક હશે.