Rishabh Pant As wicketkeeper In 2024: ભારતીય વિકેટ કીપર બેટ્સમેન ઋષભ પંત આ દિવસોમાં ઈજામાંથી સાજો થઈ રહ્યો છે. પંત નેશનલ ક્રિકેટ એકેડમીમાં છે, જ્યાં તે રિહેબિંગ કરી રહ્યો છે. પંતની હાલત ખૂબ જ ઝડપથી સુધરી રહી છે. જોકે, આ પછી પણ સવાલ એ જ રહે છે કે શું પંત સ્વસ્થ થયા પછી વિકેટકીપિંગ કરી શકશે કે નહીં? કાર અકસ્માત બાદ પંતે અનેક સર્જરી કરાવી છે. હવે જોવાનું એ રહેશે કે પંત વિકેટકીપિંગનો ભાર ઉઠાવી શકશે કે નહીં.
BCCI અધિકારીએ 'InsideSport' સાથે વાત કરતા પંત વિશે ખુલાસો કર્યો. અધિકારીએ કહ્યું કે પંત સીધા વિકેટકીપિંગ શરૂ કરશે તે કહેવું ઘણું મુશ્કેલ છે. BCCI અધિકારીએ કહ્યું, ઋષભની પ્રગતિ શાનદાર છે. પરંતુ આ તબક્કે, તે કહેવું ખૂબ મુશ્કેલ હશે કે તે તરત જ વિકેટકીપિંગ શરૂ કરશે કે નહીં. પંતને પ્રેક્ટિસમાં પરત ફર્યા બાદ વિકેટકીપિંગ શરૂ કરવામાં 3 થી 6 મહિનાનો સમય લાગી શકે છે. અધિકારીએ કહ્યું, પ્રેક્ટિસમાં પાછા ફર્યા બાદ તેને 3 મહિનાનો સમય લાગી શકે છે અથવા 6 મહિનાથી વધુ સમય લાગી શકે છે. અમે ખાતરી કરી શકતા નથી. આપણે બધાએ તેને ધીમેથી લેવાનું છે. રિષભ હજુ નાનો છે અને તેની પાસે ક્રિકેટ રમવા માટે ઘણો સમય છે. પરંતુ તેને જે પ્રકારની ઈજા છે, તે જોતા ઉતાવળ કરી શકતો નથી.
દિલ્હી કેપિટલ્સની મોટી ચિંતા
પંતની વાપસી અંગે સત્તાવાર રીતે કંઈપણ સ્પષ્ટ કરવામાં આવ્યું નથી. પરંતુ એવી અટકળો લગાવવામાં આવી રહી છે કે 2024 સુધીમાં તે વાપસી કરી શકે છે. આવી સ્થિતિમાં આગામી એટલે કે IPL 2024માં દિલ્હી કેપિટલ્સ પંતની વિકેટકીપિંગને ચૂકી શકે છે. IPL 2023માં ડેવિડ વોર્નરે પંતની જગ્યાએ દિલ્હીની કમાન સંભાળી હતી, પરંતુ ટીમને પંત જેવો કોઈ મજબૂત વિકેટકીપર મળી શક્યો નહોતો. અભિષેક પુરાલની ટીમ દ્વારા પ્રયાસ કરાયો હતો. આ સિવાય સરફરાઝ ખાનને પણ તક આપવામાં આવી હતી. જોકે, સરફરાઝ વિકેટકીપર તરીકે કંઈ ખાસ કરી શક્યો નહોતો. આવી સ્થિતિમાં, આગામી વર્ષે પણ દિલ્હીને વિકેટકીપર તરીકે પંતની બદલીની જરૂર પડી શકે છે.
પંતની કેવી છે કરિયર
રિષભ પંતે અત્યાર સુધીમાં 33 ટેસ્ટમાં 2271 રન બનાવ્યા છે. જેમાં 5 સદી અને 11 ફિફ્ટી સામેલ છે. જ્યારે 30 વન ડેમાં 865 રન ફટકાર્યા છે, વન ડેમાં તેણે એક સદી અને પાંચ અડધી સદી મારી છે. 66 ટી20 ઈન્ટરનેશનલમાં 987 રન બનાવ્યા છે. પંતે આઈપીએલની 98 મેચાં 2838 ફટકાર્યા છે. જેમાં એક સદી અને 15 અડધી સદી સામેલ છે.