Sri Lanka vs Pakistan, Saud Shakeel Record: ક્રિકેટના મેદાનમાં કેટલાય એવા રેકોર્ડ બની જાય છે, તેને તુટતા વર્ષો લાગી જાય છે, અને કેટલાક એવા રેકોર્ડ પણ હોય છે, જેને તોડવા માટે સદીઓ પણ નીકળી જાય છે. હવે પાકિસ્તાની ક્રિકેટરે આવો જ એક અદભૂત રેકોર્ડ ટેસ્ટ ક્રિકેટમાં બનાવી લીધો છે. શ્રીલંકા અને પાકિસ્તાન વચ્ચે કોલંબોમાં રમાઈ રહેલી બીજી ટેસ્ટમાં પાકિસ્તાની ક્રિકેટર સઇદ શકીલે ફિફ્ટી ફટકારીને ઈતિહાસ રચ્યો છે. ખરેખરમાં, સઇદ શકીલ હવે ટેસ્ટ ક્રિકેટના ઈતિહાસમાં પ્રથમ સાત ટેસ્ટમાં અડધી સદી ફટકારનાર પ્રથમ ક્રિકેટર બની ગયો છે, અત્યાર સુધી કોઈપણ બેટ્સમેન આવું ક્રિકેટ ઇતિહાસમાં નથી કરી શક્યો.
પાકિસ્તાનના હાથમાં છે બીજી ટેસ્ટ -
બીજી ટેસ્ટના પ્રથમ ઇનિંગમાં શ્રીલંકાની ટીમ માત્ર 166 રનમાં ઓલઆઉટ થઈ ગઈ હતી. આ પછી પાકિસ્તાને પોતાની પ્રથમ ઇનિંગમાં 4 વિકેટે 344 રન બનાવ્યા છે. પાકિસ્તાનની લીડ હવે 178 રનની છે. ઓપનર અબ્દુલ્લા શફીક 165 અને સરફરાઝ અહેમદ 14 રને રમી રહ્યા છે. ઉલ્લેખનીય છે કે, બીજી ટેસ્ટનો બીજો દિવસ વરસાદમાં ધોવાઈ ગયો હતો. વરસાદના કારણે બીજા દિવસે માત્ર 10 ઓવર જ રમાઈ શકી હતી.
-