Vijay Mallya updates: દિગ્ગજ ક્રિકેટર ક્રિસ ગેલની એક તસવીર આજે સોશિયલ મીડિયા પર ઝડપથી વાયરલ થઈ રહી છે. આ તસવીરમાં તે ભાગેડુ બિઝનેસમેન વિજય માલ્યા સાથે જોવા મળી રહ્યો છે. રોયલ ચેલેન્જર્સ બેંગ્લોર (RCB)ના ભૂતપૂર્વ માલિક વિજય માલ્યાએ સોશિયલ મીડિયા પર ગેલ સાથેની એક તસવીર શેર કરી છે. જેવો આ ફોટો શેર કર્યો ત્યારથી માલ્યા અને ગેલ સોશિયલ મીડિયા પર ટ્રોલ થઈ રહ્યા છે. માલ્યાએ પોસ્ટમાં ગેલને પોતાનો સારો મિત્ર ગણાવ્યો છે.
ટ્વીટમાં આ વાત કહીઃ
માલ્યાએ પોતાના ટ્વિટમાં લખ્યું- મારા સારા મિત્ર ક્રિસ્ટોફર હેનરી ગેલ, યુનિવર્સ બોસ સાથે શાનદાર મુલાકાત. જ્યારથી મેં તેને RCB ટીમ માટે ખરીદ્યો ત્યારથી અમારી વચ્ચે ખૂબ જ સારી 'સુપર ફ્રેન્ડશિપ' છે. કોઈ ખેલાડીની અત્યાર સુધીની સૌથી સારી ખરીદી.
યુઝર્સ કરી રહ્યા છે ટ્રોલઃ
વિજય માલ્યાના આ ટ્વીટ પર 63 હજારથી વધુ લાઈક્સ અને ઘણી કોમેન્ટ આવી છે. સોશિયલ મીડિયા યુઝર્સ બંનેને ટ્રોલ કરી રહ્યા છે. આ સિવાય આ ટ્વીટને 2800 થી વધુ રીટ્વીટ પણ કરવામાં આવી છે. માલ્યાની આ પોસ્ટ પર એક યુઝરે લખ્યું, કેમ ભાઈ ગેલ, તારે પણ લૂંટફાટ કરીને ભાગવું છે? તો અન્ય એક યુઝરે લખ્યું - આજે બેંક રજા પણ નથી.
ભાગવું જ હોય તો ઓલિમ્પિકમાં ભાગોઃ
એક સોશિયલ મીડિયા યુઝરે આ ફોટો પર લખ્યું- સર, ક્યારેક તમારા બીજા મિત્ર SBI ને પણ યાદ કરો, તમારી યાદમાં પરેશાન છે. અન્ય એક યુઝરે લખ્યું- ભાગવું જ હોય તો ઓલિમ્પિકમાં દોડો, આ રીતે ભારતનું નામ પણ થશે, આ રીતે ભાગવાનો શું મતલબ છે. તે જ સમયે, ત્રીજા યુઝરે લખ્યું - ઘરે આવો અને પૈસા પાછા આપો, તમને શરમ પણ નથી, તમે પૈસા લઈને બેઠા છો.