Ayesha Naseem Profile: પાકિસ્તાન મહિલા ક્રિકેટ ટીમની આયેશા નસીમે ક્રિકેટ છોડવાનો નિર્ણય લીધો છે. જોકે, આયેશા નસીમની ઉંમર માત્ર 18 વર્ષની છે, પરંતુ તેમ છતાં તે ક્રિકેટના મેદાન પર જોવા નહીં મળે. વાસ્તવમાં, એવું કહેવામાં આવી રહ્યું છે કે આયશા નસીમે ઇસ્લામના કારણે ક્રિકેટને અલવિદા કહેવાનો નિર્ણય લીધો છે. આયેશા નસીમે કહ્યું કે તે ઇસ્લામ અનુસાર પોતાનું જીવન જીવવા માંગે છે, જેના કારણે તેણે ક્રિકેટ છોડવાનો નિર્ણય લીધો છે.
આયેશા નસીમે પાકિસ્તાન માટે 4 ODI અને 30 T20 મેચ રમી છે
આયેશા નસીમનું નામ પાકિસ્તાન મહિલા ક્રિકેટ ટીમની શ્રેષ્ઠ હિટર્સમાં ગણવામાં આવે છે, પરંતુ હવે આ ખેલાડી મેદાન પર જોવા નહીં મળે. પાકિસ્તાન મહિલા ક્રિકેટ ટીમ તરફથી રમતી આયેશા નસીમનો જન્મ 7 ઓગસ્ટ 2004ના રોજ એબોટાબાદમાં થયો હતો. બેટિંગ સિવાય આ ખેલાડી પાકિસ્તાન માટે રાઈટ આર્મ મીડિયમ ફાસ્ટ બોલિંગ કરે છે. આયશા નસીમે 4 ODI સિવાય પાકિસ્તાન મહિલા ક્રિકેટ ટીમ માટે 30 T20 મેચ રમી છે.
આવી રહી આયેશા નસીમની કરિયર
આયેશા નસીમની કારકિર્દી પર નજર કરીએ તો આ ખેલાડીએ પાકિસ્તાન માટે 4 વનડેમાં 33 રન બનાવ્યા હતા. આ દરમિયાન આયેશા નસીમની એવરેજ 8.25 હતી જ્યારે સ્ટ્રાઈક રેટ 89.18 હતી. તે જ સમયે, આયેશા નસીમનો ODI ફોર્મેટમાં સર્વોચ્ચ સ્કોર 16 રન છે. આયેશા નસીમની T20 કારકિર્દીની વાત કરીએ તો આ ખેલાડીએ 30 T20 મેચમાં 369 રન બનાવ્યા છે. આ ફોર્મેટમાં આયેશા નસીમની એવરેજ 18.45 હતી જ્યારે સ્ટ્રાઈક રેટ 128.12ની હતી. આયેશા નસીમનો T20 ફોર્મેટમાં સર્વોચ્ચ સ્કોર 45 અણનમ છે. આયેશા નસીમે વનડેમાં 2 સિક્સર ફટકારી છે. જ્યારે આયેશા નસીમે T20 મેચમાં 18 સિક્સર ફટકારી છે.
આ પણ વાંચો...
બૉલીવુડ હીરોએ World Cup 2023ની ટ્રૉફી સાથે કરાવ્યું ફોટોશૂટ, ખુદ ICCએ શેર કરી તસવીર....
Join Our Official Telegram Channel: https://t.me/abpasmitaofficial