ICC Women's Cricket World Cup 2022ની સાતમી લીગ મેચમાં ઇગ્લેન્ડ અને વેસ્ટ ઇન્ડિઝ વચ્ચે મેચ રમાઇ હતી. આ મેચમાં વેસ્ટ ઇન્ડિઝે શાનદાર જીત મેળવી હતી. વેસ્ટ ઇન્ડિઝે ઇગ્લેન્ડને સાત રને હાર આપી હતી. ઇગ્લેન્ડની મહિલા ટીમે આ વર્લ્ડકપમાં સતત બીજી હાર મળી છે. જ્યારે વેસ્ટ ઇન્ડિઝની ટીમ મહિલા વર્લ્ડકપ 2022માં પોતાની સતત બીજી મેચ જીતવામાં સફળ રહી હતી. વેસ્ટ ઇન્ડિઝની મહિલા વર્લ્ડકપના ઇતિહાસમાં ઇગ્લેન્ડ વિરુદ્ધ આ પ્રથમ જીત છે. આ અગાઉ રમાયેલી ચાર મેચમાં વેસ્ટ ઇન્ડિઝની ટીમને હાર મળી છે.
આ અગાઉ વેસ્ટ ઇન્ડિઝની મહિલા ટીમે ટોસ જીતીને બેટિંગ પસંદ કરી હતી. વેસ્ટ ઇન્ડિઝની ટીમે સારી શરૂઆત મળી હતી કારણ કે ટીમે 84 રન પર પ્રથમ વિકેટ ગુમાવી હતી. જોકે બાદમાં ટીમે ચાર વિકેટ 98 રન પર ગુમાવી દીધી હતી. જોકે અંતમાં વેસ્ટ ઇન્ડિઝની ટીમે 50 ઓવરમાં છ વિકેટ ગુમાવી 225 રન બનાવ્યા હતા.
વેસ્ટ ઇન્ડિઝ તરફથી વિકેટકીપર બેટ્સમેન શૈમીન કેમ્પબેલેએ 80 બોલમાં 66 રનની ઇનિંગ રમી હતી જ્યારે 49 રન બનાવી ચીડીન નેશન અણનમ રહી હતી. ઓપનર હીલી મૈથ્યૂઝ 45, ડીનડ્રા ડોટિન 31 રન બનાવી આઉટ થયા હતા. ઇગ્લેન્ડ તરફથી સોફી એક્લેસ્ટોને ત્રણ વિકેટ ઝડપી હતી. બીજી તરફ 226 રનનો પીછો કરવા ઉતરેલી ઇગ્લેન્ડની ટીમની શરૂઆત સારી રહી હતી પરંતુ ત્યારબાદ વિકેટ ગુમાવી દેતા મેચ હાથમાંથી જતી રહી હતી.
આ મેચમાં વેસ્ટ ઈન્ડિઝના ખેલાડી ડોટિન દ્વારા પકડાયેલો વર્લ્ડ કપ કદાચ શ્રેષ્ઠ કેચ હોઈ શકે છે. હવામાં ડાઇવિંગ કરતી વખતે તેણે જે રીતે આ કેચ પકડ્યો તે જોન્ટી રોડ્સ યાદ આવી ગયો. ICCએ પણ આ વીડિયો પોતાના ઈન્સ્ટાગ્રામ હેન્ડલ પર શેર કર્યો છે. વીડિયોના કેપ્શનમાં ICCએ લખ્યું છે કે આ કેચ કેચ ઓફ ધ ટૂર્નામેન્ટનો દાવેદાર છે. થોડા જ સમયમાં લાખો લોકોએ આ કેચ જોયો. એક યુઝરે તો ત્યાં સુધી લખ્યું કે વેસ્ટ ઈન્ડિઝની મહિલા ટીમ પુરૂષ ટીમ કરતા વધુ મજબૂત છે.