નેપાલ અને માલદીવ વચ્ચે 13મી દક્ષિણ એશિયા (દક્ષેસ) ટૂર્નામેન્ટમાં મહિલા ક્રિકેટ સીરીઝ રમાઇ રહી હતી. આ દરમિયાન પોતાની ડેબ્યૂ મેચ રમવા મેદાનમાં ઉતરેલી નેપાલની ક્રિકેટર અંજલિ ચંદે ખાસ રેકોર્ડ બનાવ્યા.
અંજલિ ચંદે હેરતઅંગેજ પ્રદર્શન કરતાં માલદીવ સામે 13 બૉલમાં એકપણ રન આપ્યા વિના 6 વિકેટ ઝડપી, અંજલિના આ પ્રદર્શનના કારણે નેપાલે માલદીવને માત્ર 16 રનોમાં જ ઓલઆઉટ કરી દીધી હતી.
મેચમાં માલદીવની મહિલા ટીમ ટી20માં 10.1 ઓવર રમીને માત્ર 16 રન જ બનાવી શકી. મેચમાં અંજલિ ચંદે 2.1 ઓવરમાં 2 મેડન નાંખીને 6 વિકેટ ઝડપી હતી, આમાં હેટ્રિક પણ સામેલ છે. આ મહિલા ટી20માં વર્લ્ડ રેકોર્ડ છે. જવાબમાં નેપાલની ટીમ માત્ર 5 બૉલ રમીને 17 રન બનાવીને વિજયી થઇ હતી. નેપાલ મહિલા ટીમ મેચ 10 વિકેટથી જીતી લીધી હતી.