સ્મિથ બાદ વોર્નરે પણ ગુમાવી IPLમાં કેપ્ટનશીપ, સનરાઇઝર્સ હૈદરાબાદે કેપ્ટન પદેથી હટાવ્યો

નોંધનીય છે કે, હજુ સુધી બન્ને ખેલાડીઓને ક્રિકેટ ઓસ્ટ્રેલિય તરફથી સજા થઇ નથી, જે આજે થઇ શકે છે. ત્યારબાદ બન્ને ઉપર આઇપીએલમાં રમવું કે નહીં તેની પણ સ્પષ્ટતા થઇ જશે. આગામી આઇપીએલ-11 7 એપ્રિલે ચેન્નાઇ સુપર કિંગ્સ અને મુંબઇ ઇન્ડિયન્સની પહેલી મેચથી શરૂ થઇ જશે.

નવી દિલ્હીઃ બૉલ ટેમ્પરિંગ મામલે હવે ડેવિડ વોર્નરને પણ કેપ્ટનશીપમાંથી હાથ ધોવા પડ્યા છે, આઇપીએલ-11માં સનરાઇઝર્સ હૈદરાબાદે ડેવિડ વોર્નરને ટીમના કેપ્ટન પદેથી હાંકી કાઢ્યો છે, જોકે, ટીમમાં સભ્ય તરીકે રમશે કે નહીં તે હજુ સુધી સ્પષ્ટ નથી થઇ શક્યું. ઉપરાંત નવા કેપ્ટનના નામની પણ જાહેરાત થઇ નથી.

ક્રિકેટ ઓસ્ટ્રેલિયા આ મુદ્દે સખ્ત થતાં. સ્મિથ પાસેથી ઓસ્ટ્રેલિયન ટીમની કેપ્ટનશીપ અને ડેવિડ વોર્નર પાસેથી વાઇસ કેપ્ટનશીપ છીનવી લીધી હતી. હવે બન્નં ઉપર IPL ગાઝ પડી છે.

ઉલ્લેખનીય છે કે, ઓસ્ટ્રેલિયન ટીમના બન્ને ખેલાડીએ કેપ્ટન સ્મિથ અને વાઇસ કેપ્ટન વોર્નર બન્ને સામે બૉલ ટેમ્પરિંગનો આરોપ છે. સાઉથ આફ્રિકા વિરુદ્ધ કેપટાઉન ટેસ્ટમાં કાંગારુ ખેલાડી બેનક્રૉફ્ટે બૉલ ટેમ્પરિંગ કર્યું જેમાં તે દોષી જાહેર થયો હતો. ત્યારબાદ તેના પર મેચ ફીના 75 ટકા દં લગાવવામાં આવ્યો હતો. સાથે કેપ્ટન સ્મિથ પર એક મેચનો બેન્ અને ફીસના 100 ટકા દંડ લગાવવામાં આવ્યો હતો. આ મામલે વોર્નરને પણ વાઇસ કેપ્ટન તરીકે દોષી માનવામાં આવ્યો હતો.

અગાઉ આ મામલે રાજસ્થાન રૉયલ્સે કડક પગલા ભરતાં સ્ટીવ સ્મિથના હાથમાંથી ટીમનું નેતૃત્વ ઝૂંટવી લઇને અજિંક્યે રહાણેને સૌથી દીધુ હતું.