21 વર્ષીય દેશમુખે મહારાષ્ટ્ર માટે એક ફર્સ્ટ ક્લાસ મેચ અને સાત ટી20 મેચ રમી છે. મુંબઈ ઈન્ડિયન્સે તેને 20 લાખ રૂપિયાની બેઝ પ્રાઈઝમાં ખરીદ્યો છે. તે જમણા હાથનો ઝડપી બોલર અને બેટ્સમેન છે. તેણે ડોમેસ્ટિક ક્રિકેટમાં 104 રન નોંધાવ્યા છે અને 15 વિકેટ પણ ઝડપી છે.
તેનો જન્મ 12મી એપ્રિલ 1998માં મહારાષ્ટ્રના બિડ જિલ્લામાં થયો છે. તેણે ગત વર્ષે પોતાની કારકિર્દીની શરૂઆત કરી હતી અને જમ્મુ-કાશ્મીર વિરુદ્ધ 61 રન આપીને છ વિકેટ ઝડપી હતી. ફિલ્મમાં પણ તેને યુવાન ક્રિકેટરની જ ભૂમિકા ભજવી હતી જે ભારત માટે રમવાનું સપનું જોવે છે. આઈપીએલમાં રમવું તે તેના માટે સપનાની નજીક પહોંચવા જેવું છે.
'કાઈ પો છે' મૂવી વર્ષ 2013માં આવી હતી અને તેણે બોક્સ ઓફિસ પર સારી કમાણી પણ કરી હતી. તેમાં સુશાંત સિંહ રાજપૂતની સાથે જ રાજકુમાર રાવ, અમિત સાઘ, માનવ કૌલ જેવા પ્રખ્યાત કલાકાર પણ છે. આ ફિલ્મ ચેતન ભગતના પ્રખ્યાત પુસ્તક 'થ્રી મિસ્ટેક્સ ઓફ માય લાઈફ' પર આધારિત છે. તેમાં ત્રણ મિત્ર હોય છે, જે પોતાની ગણિત કોચિંગ અને ક્રિકેટ એકેડમી ખોલે છે. પછી કોમી રમખાણની આંચમાં ત્રણેની મિત્રતાની પરીક્ષા થાય છે અને અલી હાશમીને આ ત્રણે ક્રિકેટર બનાવી શકે છે, આજ બધુ ફિલ્મમાં દર્શાવવામાં આવ્યું છે. ફિલ્મનું નિર્દેશન અભિષેક કપૂરે કર્યું હતું.મુંબઈ ઈન્ડિયન્સે આ કેલાડીઓ પર લગાવ્યો દાવ