આ ઘટના બાદ આર્ચર ખુબ જ દુઃખી થયો હતો, કારણ કે એશેંટિયો તેની ખુબ નજીકનો સંબંધી હતો. આર્ચરનું બાળપણ તેની સાથે વીત્યું હતું અને વર્લ્ડ કપ શરૂ થયા પહેલા તેની એશેંટિયો સાથે વાતચીત થઇ હતી. પરંતુ 31 મેએ એશેંટિયોની હત્યા કરી દેવામાં આવી.
એશેંટિયો બારબાડોસના સેન્ટ ફિલિપમાં રહેતો હતો. જ્યાં 31 મેની રાતે 8 વાગ્યે 25 મિનિટે તેની હત્યા કરવામાં આવી હતી. મીડિયા રિપોર્ટ્સ પ્રમાણે એશેંટિયો પર 8 ગોળી દાગવામાં આવી, જે દરમિયાન આ ઘટના બની ત્યારે તેની ગર્લફ્રેન્ડ અને 4 વર્ષનું બાળક ઘરની અંદર હતા.
એન્શિટિયોની લાશ તેના ઘરની પાછળ એક સ્વિમિંગ પુલમાં મળી હતી. એન્શિટિયો ખુબ જ શાંત સ્વભાવનો હતો, અને તેની સાથે કોઈની તકરાર પણ ચાલતી ન હતી. હજુ સુધી તેની હત્યા પાછળનું કારણ જાણવા નથી મળ્યું.