FIFA World Cup Final 2018: વિશ્વ ચેમ્પિયન બનવા માટે ફ્રાન્સ સાથે ટકરાશે ક્રોએશિયા
ફાઈનલ મેચનું પ્રસારણ સોની નેટવર્ક પર થશે. હિન્દી માટે સોની ટેન 3/HD અને અંગ્રેજી માટે સોની ટેન 2/HD પર પ્રસારિત થશે.
નવી દિલ્હી: ફીફા વિશ્વકપ 2018નો ફાઈનલ મુકાબલો આજે રશિયાની રાજધાની મૉસ્કોના લુજિ્નકી સ્ટેડિયમાં ફ્રાન્સ અને ક્રોએશિયા વચ્ચે રમાશે. આ મેચ ભારતીય સમયાનુસાર રાત્રે 8.30 વાગ્યે શરૂ થશે.
ફ્રાન્સે આ વિશ્વકપમાં 6 મેચમાં 10 ગોલ કર્યા. જેમાં એન્ટોની ગ્રીઝમેન અને કિલિયન એમ્બાપ્પેએ 3-3 ગોલ કર્યા. જ્યારે ક્રોએશિયાએ 12 ગોલ કર્યા. ક્રોએશિયા ફાઈનલ સુધી પહોંચશે તે કોઈએ વિચાર્યું પણ નહોતું. પરંતુ શાનદાર પ્રદર્શન અને હાર ન માનવાની જીદથી ક્રોએશિયાની ફાઈનલ સુધી પહોંચ્યું છે. ક્રોએશિયાની હાર ના માનવાની જીદ ઈંગ્લેન્ડ વિરુદ્ધ રમાયેલી બીજી સેમીફાઈનલમાં જોવા મળી હતી. આ વિશ્વકપમાં ફ્રાન્સની એકપણ મેચ એક્સ્ટ્રા ટાઇમમાં નથી ગઇ. જ્યારે ક્રોએશિયાએ નોકઆઉટની તમામ મેચો એક્સ્ટ્રા ટાઇમમાં જ જીતી.
ફ્રાન્સને 20 વર્ષ બાદ ફરી ફૂટબોલ વર્લ્ડ ચેમ્પિયન બનવાની તક મળી છે. જ્યારે ક્રોએશિયાને પહેલીવાર ફાઈનલમાં પહોંચ્યું છે. ફ્રાન્સ 20 વર્ષમાં ત્રીજી વખત ફાઈનલમાં પહોંચ્યું છે. આ પહેલા વર્ષ 1998માં પ્રથમ વાર વિશ્વ ચેમ્પિયન બન્યું હતું.