હાર્દિક પંડ્યાનો નવો લુક જોયો તમે, બર્થડે પર ખૂબ કરી મસ્તી

ફોટોમાં ત્રણેય ચહેરાઓને જોઈને લાગે છે કે આ અવસર પર ખૂબ મસ્તી કરવામાં આવી છે. હાર્દિક તો કેકમાં રંગાયેલો જોવા મળે છે. પોસ્ટમાં સંજય બાંગરે લખ્યું છે કે, એક એવું મેકઓવર જે અમે નહોતા કરાવવા માંગતા.

ઉલ્લેખનીય છે કે, ટીમના સ્ટાર ઓલ રાઉન્ડર હાર્દિક પંડ્યા, બેટ્સમેન કોચ સંજય બાંગર અને ટીમના ફિઝીયો પૈટ્રિક ફરહાર્ટનો જન્મદિવસ 11 ઓક્ટોબરે એકસાથે જ આવે છે. બાંગરે પોતાના ઈન્સ્ટાગ્રામ પર એક ફોટો શેર કર્યો છે જેમાં ત્રણ ચહેરા પર ખૂબ જ કેક લગાવેલી જોવા મળે છે.

ટીમ ઇન્ડિયા માટે જ્યારે ઉજવણી અથવા ખુશી વહેંચવાની વાત આવે છે ત્યારે કોઈપણ પાછળ નથી રહેતા. પછી તે મેચ હોય કે સીરીઝ જીતવાની હોય કે પછી કોઈનો બર્થડે સેલિબ્રેટ કરવાનો હોય, ટીમના તમામ ખેલાડીઓ તેમાં સામેલ થાય છે અને ખૂબ એન્જોય કરે છે. એક જ તારીખે જ્યારે 3 બર્થડે ઉજવવાના હોય ત્યારે ઉજવણી પણ ખાસ રીતે હોય છે.