ચેમ્પિયન્સ ટ્રોફીમાં બેટમાં લાગશે માઈક્રોચીપ્સ, જાણો શું થશે ફાયદો? ભારતના ક્યા બેટ્સમેનના બેટમાં હશે ચીપ્સ?
ડ્રોન કેમેરાના ઉપયોગથી વધુ ઉંડાઇથી પિચનું એનાલિસિસ કરવામાં આવશે. ફેન્સ એમ જાણી શકશે કે બોલર્સમાંથી કોણ સારી લયમાં બોલિંગ કરી રહ્યો છે.
આ ચિપ દ્વારા બેટ્સમેનનો ડેટા રેકોર્ડ કરવામાં આવશે. જેમાં બેટ્સમેનની પિચ મૂવમેન્ટ, તેના શોટ્સનો ડેટા રેકોર્ડ થશે. આ ચિપનું સિંગ્નલ ખાસ કેમેરા રેકોર્ડ કરશે. આ ડેટાથી ખબર પડશે કે બેટ્સમેને કેટલા બોલ ઓફ સાઇડમાં રમ્યા અને કેટલા બોલ લેગમાં રમ્યા અને કેટલા બોલ પર પ્રહાર કર્યો.
સુત્રો અનુસાર ભારતીય ટીમના રોહિત શર્મા, અજિંક્ય રહાણે અને આર.અશ્વિનના બેટમાં આ ચિપ લગાવવામાં આવશે.
માઇક્રોચિપ લાગેલા બેટનો ઉપયોગ ઇંગ્લેન્ડના જેસન રોય, એલેક્સ હેલ્સ અને બેન સ્ટોક્સ યૂઝ કરતા જોવા મળશે. ઇન્ટેલ દ્વારા ડેવલપ કરવામાં આવેલ ચિપને બેટના હેન્ડલમાં લગાવવામાં આવશે.
બેટમાં લાગેલી માઇક્રોચિપ દ્વારા મેદાન પર પ્લેયર્સના રિએક્શન સમયને બતાવવામાં આવશે. દરેક ટીમના ત્રણ પ્લેયર્સના બેટમાં આ રીતની કોમ્પ્યુટરાઇઝ્ડ ચિપ લગાવવામાં આવશે. અત્યાર સુધી આ ચિપનો ઉપયોગ બેસબોલમાં કરવામાં આવતો હતો.
લંડનઃ ચેમ્પિયન ટ્રોફીની આજથી શરૂઆત થઈ રહી છે. આ વખતે ટૂર્નામેન્ટ થોડી ખાસ હશે. ચેમ્પિયન ટ્રોફી એટલા માટે ખાસ હશે કારણ કે આ ટુર્નામેન્ટમાં એવું થવા જઈ રહ્યું છે જે આજસુધી ક્રિકેટ ઈતિહાસમાં ક્યારેય થયું નથી. આ વખતે ચેમ્પિયન ટ્રોફીની આ ટૂર્નામેન્ટ સ્માર્ટ થઈ જશે. આ વખતે ચેમ્પિયન્સ ટ્રોફીમાં હાઇ ટેકનોલોજીનો ઉપયોગ થશે. આઇસીસીની આ બીજી સૌથી મોટી ટૂર્નામેન્ટમાં બેટ્સમેન પ્રથમ વખત માઇક્રોચિપ લાગેલા બેટનો ઉપયોગ કરશે. આ સીવાય પિચની નજર માટે ડ્રોન કેમેરાનો ઉપયોગ કરાશે.