ઈન્ડિયા ‘A’ ની ટીમ હાલ વેસ્ટ ઇન્ડીઝના પ્રવાસે છે અને 5 મેચોની બિન સત્તાવાર વન ડે સિરીઝ 21 જુલાઈએ સમાપ્ત થઈ. આ સિરીઝમાં રમનારા મનીષ પાંડે અને શ્રેયસ અય્યરની ટીમમાં વાપસી થઈ છે. જોકે આ સિરીઝમાં ગિલે સૌથી વધુ રન બનાવ્યા. તેણે 4 મેચોમાં 218 રન બનાવ્યા છે, જેમાં 3 અડધી સદી સામેસ છે.
ભારતીય ટીમમાં સમાવાયેલા શ્રેયસ અય્યરે 187 અને મનીષ પાંડેએ 162 રન બનાવ્યા છે. આમ છતાં શુભમન ગિલને ટીમ ઇન્ડિયામાં ન સમાવાયો તે અંગે ચીફ સીલેક્ટર એમ.એસ.કે પ્રસાદે કહ્યું કે,‘ કે.એલ.રાહુલને ન્યૂઝીલેન્ડ પ્રવાસમાં નહોતો સમાવાયો ત્યારે શુભમન ગિલને તક આપવામાં આવી હતી પણ એ તક નહોતો ઝડપી શક્યો.
પ્રસાદે કહ્યું કે, શુભમન ગિલે તક માટે રાહ જોવી પડશે.’ શ્રેયસ અય્યર અને ગિલને નંબર 4 માટે પ્રબળ દાવેદાર માનવામાં આવે છે. ગિલ ઓપનર બેટ્સમેન પણ છે જ્યારે હાલ ટીમ ઇન્ડિયાને નંબર 4 બેટ્સમેનની વધારે જરૂર છે અને અય્યર વધુ ફિટ બેસે છે તેથી અય્યરને તક આપવામાં આવી છે એવું મનાય છે.