INDvAUS: એડિલેડમાં ટીમ ઈન્ડિયાનું ‘ભારત આર્મી’એ કર્યું સ્વાગત, જુઓ તસવીરો

ભારત આર્મી તરીકે જાણીતી ઈન્ડિયન ક્રિકેટ ટીમ ફેન ક્લબે વિરાટ કોહલી અને ટીમના સભ્યોનું એરપોર્ટ પર સ્વાગત કર્યું હતું. ઉપરાંત ટીમના ખેલાડીઓ સાથે તસવીર પણ ખેંચાવી હતી.

એડિલેડઃ ટીમ ઈન્ડિયા અને ઓસ્ટ્રેલિયા વચ્ચે 6 ડિસેમ્બરથી ટેસ્ટ શ્રેણીનો પ્રારંભ થશે. ભારતીય ટીમ સિડનીમાં ક્રિકેટ ઓસ્ટ્રેલિયા ઇલેવન સામેની પ્રેક્ટિસ મેચ રમ્યા બાદ આજે એડિલેડ આવી પહોંચી હતી. જ્યાં તેમનું ઉમળકાભેર સ્વાગત કરવામાં આવ્યું હતું.

બોર્ડ ઓફ કન્ટ્રોલ ફોર ક્રિકેટ ઈન ઈન્ડિયા (BCCI) દ્વારા આ તસવીરો સોશિયલ મીડિયા પર પોસ્ટ કરવામાં આવી છે. જેમાં લખ્યું છે કે, ‘ટચ ડાઉન એડિલેડ #TeamIndia #AUSvIND.’