INDvNZ: આજે ઈતિહાસ રચવા મેદાનમાં ઉતરશે ટીમ ઈન્ડિયા, જાણો કઈ ચેનલ પરથી કેટલા વાગે થશે લાઇવ ટેલિકાસ્ટ
ઓકલેન્ડઃ ભારત અને ન્યૂઝિલેન્ડ વચ્ચે ત્રણ મેચની T20 શ્રેણી પૈકીની અંતિમ અને નિર્ણાયક મેચ આજે હેમિલ્ટનમાં રમાશે. બંને ટીમો ટી-૨૦ શ્રેણીમાં 1-1થી બરોબરી પર છે અને આજની મેચનું પરીણામ શ્રેણીનો વિજેતા નક્કી કરશે. રોહિત શર્માની આગેવાની હેઠળની ટીમે પ્રથમ મેચ ગુમાવ્યા બાદ વળતો પ્રહાર કરતાં બીજી ટી-૨૦ જીતી લીધી હતી અને આ સાથે ટીમ ઈન્ડિયાએ શ્રેણીમાં બરોબરી મેળવી હતી. ન્યૂઝિલેન્ડમાં વન ડે શ્રેણી જીતી ચૂક્યા બાદ ભારત હવે ટી-૨૦ શ્રેણી કબજે કરવા માટે કમર કસી રહ્યું છે.
Download ABP Live App and Watch All Latest Videos
View In Appમેચનું લાઇવ ટેલિકાસ્ટ સ્ટાર સ્પોર્ટ્સ, ડીડી સ્પોર્ટ્સ પરથી થશે. મેચનું લાઇવ સ્ટ્રિમિંગ હોટસ્ટાર, જિયો ટીવી અને એરટેલ ટીવી પરથી જોઈ શકાશે.
ભારત-ન્યૂઝિલેન્ડ વચ્ચેની ત્રીજી અને નિર્ણાયક T20 હેમિલ્ટનના સેડોન પાર્કમાં રમાશે. ભારતીય સમય પ્રમાણે બપોરે 12.00 કલાકે ટૉસ થશે. 12.30 કલાકથી મેચ શરૂ થશે. ભારતીય ટીમમાં વિજય શંકરના સ્થાને શુભમન ગિલ અને યુઝવેન્દ્ર ચહલના સ્થાને કુલદીપ યાદવનો સમાવેશ કરવામાં આવી શકે છે.
ન્યૂઝિલેન્ડ આવતા પહેલા ટીમ ઈન્ડિયાએ ઓસ્ટ્રેલિયા પ્રવાસમાં ટેસ્ટ અને વન ડે શ્રેણી જીતીને ઇતિહાસ રચ્યો હતો. જે બાદ ન્યૂઝિલેન્ડ સામે વન ડે શ્રેણીમાં 4-1થી ઐતિહાસિક જીત મેળવી હતી. જો ટીમ ઈન્ડિયા આજની મેચ જીતી જશે તો ન્યૂઝિલેન્ડની ધરતી પર પ્રથમ ટી20 સીરિઝ જીત હશે.
- - - - - - - - - Advertisement - - - - - - - - -