ઇનિંગ ડિકલેર કરી ત્યારે રવિન્દ્ર જાડેજા 30 રન (46) અને રવિચંન્દ્રન અશ્વિન 1 રને (17) રમતમાં હતા.
ભારત તરફથી ઓપનિંગ જોડીએ શાનદાર શરૂઆત અપાવતા પ્રથમ વિકેટ માટે 317 રનની પાર્ટનરશીપ કરી હતી. જેમાં મયંક અગ્રવાલે તાબડતોડ ડબલ સેન્ચૂરી - 215 રન (371) અને રોહિત શર્માએ 176 રન (244) બનાવ્યા હતા.
ઉપરાંત સાઉથ આફ્રિકા તરફથી સૌથી વધુ કેશવ મહારાજે 3 વિકેટ ઝડપી હતી, વળી, ફિલાન્ડર, પીડીટી, મુથુસામી અને એલ્ગરને એક-એક વિકેટ મળી હતી.
ભારત અને સાઉથ આફ્રિકા વચ્ચે પ્રથમ ટેસ્ટના બીજા દિવસે ભારતે ટી બ્રેક વખતે 124 ઓવરમાં 5 વિકેટના નુકસાન પર 450 રન બનાવી લીધા છે. મયંક અગ્રવાલ 215 રન બનાવી આઉટ થયો હતો. જાડેજા 6 રને અને હનુમા 8 રને રમતમાં છે.
લંચથી ટી લંચ સુધીમાં ગુમાવી 4 વિકેટ
ટીમ ઈન્ડિયાએ લંચથી ટી લંચ સુધીની રમતમાં 126 રન ઉમેર્યા હતા. જોકે આ ગાળામાં ચેતેશ્વર પૂજારા (6 રન), કેપ્ટન વિરાટ કોહલી (20 રન), અજિંક્ય રહાણે (15 રન) અને મયંક અગ્રવાલ (215 રન)ની મહત્વપૂર્ણ વિકેટ ગુમાવી હતી.
લંચ સુધીમાં 1 વિકેટ ગુમાવી 122 રન કર્યા
બીજા દિવસે ભારતે 59.1 ઓવરમાં 202 રનના સ્કોર પરથી શરૂઆત કરી હતી. લંચ સમયે 88 ઓવરના અંતે ભારતનો સ્કોર 1 વિકેટના નુકસાન પર 324 રન હતો. લંચ પછીના પ્રથમ બોલ પર જ ટીમ ઈન્ડિયાએ ચેતેશ્વર પૂજારાની વિકેટ ગુમાવી હતી.
- રોહિત શર્મા 176 રન બનાવી મહારાજની ઓવરમાં સ્ટંપ આઉટ થયો હતો.
- પૂજારાને ફિલાન્ડરે 6 રન પર બોલ્ડ કર્યો હતો.
- કેપ્ટન કોહલીને 20 રને કોટ એન્ડ બોલ્ડ આઉટ કરવાની સાથે જ મુથુસ્વામીએ ટેસ્ટ કરિયરની પ્રથમ વિકેટ ઝડપી હતી.
- વાઇસ કેપ્ટન અજિંક્ય રહાણે 15 રન બનાવી મહારાજની ઓવરમાં આઉટ થયો હતો.
- મયંક અગ્રવાલ 215 રન બનાવી ડિન એલગરની ઓવરમાં આઉટ થયો હતો. તેણે 23 ચોગ્ગા અને 6 ગગનચુંબી છગ્ગા ફટાકાર્યા હતા.
મયંક અગ્રવાલની ટેસ્ટમાં પ્રથમ સદી
આ પહેલા મયંક અગ્રવાલે કરિયરની પ્રથમ સદી ફટાકરી હતી. તેણે 206 બોલમાં સદી ફટકારી હતી. ટેસ્ટમાં સદી ફટકારનારો મયંક ભારતનો 86મો બેટ્સમેન બન્યો હતો. ટેસ્ટ ક્રિકેટમાં ઓપનિંગ કરતી વખતે સદી ફટકારનારો 33મો ખેલાડી બન્યો હતો. મયંક અગ્રવાલ ઘરઆંગણે પ્રથમ ટેસ્ટ ઈનિંગ રમતી વખતે સદી ફટકારનારો ટીમ ઈન્ડિયાનો ચોથો ખેલાડી બની ગયો છે. આ પહેલા શિખર ધવન, પૃથ્વી શૉ અને રોહિત શર્મા આ કારનામું કરી ચુક્યા છે.
સાઉથ આફ્રિકા સામે સર્વોચ્ચ ઓપનિંગ પાર્ટનરશિપ
રોહિત શર્મા અને મયંક અગ્રવાલની જોડી (317 રન) એ સાઉથ આફ્રિકા સામે સર્વોચ્ચ ઓપનિંગ પાર્ટનરશિપનો રેકોર્ડ કર્યો છે. આ પહેલા રેકોર્ડ સેહવાગ-ગંભીરના નામે હતો. 2004-05માં તેમણે કાનપુરમાં 218 રનની ભાગીદારી કરી હતી. બંને દેશો વચ્ચે સર્વોચ્ચ ઓપનિંગ ભાગીદારીનો રેકોર્ડ સાઉથ આફ્રિકાના ગેરી કર્સ્ટન અને એન્ડ્રૂ હડસનના નામે હતો. આ બંનેએ 1996-97માં કોલકાતામાં 236 રનની ભાગીદારી કરી હતી.આ રેકોર્ડને પણ રોહિત-મયંકની જોડીએ તોડ્યો હતો.
બુધવારે ટોસ જીતીને ટીમ ઈન્ડિયાએ પ્રથમ બેટિંગ લીધી હતી. રોહિત શર્માએ ટેસ્ટ ક્રિકેટમાં પ્રથમ વખત ઓપનર તરીકે મેદાનમાં ઉતરીને શાનદાર બેટિંગ કરતાં સાઉથ આફ્રિકા સામે સદી ફટકારી હતી. વરસાદના કારણે 59.1 ઓવર બાદ પ્રથમ દિવસની રમત બંધ રહી ત્યારે ભારતનો સ્કોર વિના વિકેટે 202 રન હતો. રોહિત શર્મા 115 રન ( 12 ચોગ્ગા અને 5 છગ્ગા) તથા મયંક અગ્રવાલ 84 રન (11 ચોગ્ગા અને બે છગ્ગા) બનાવી રમતમાં હતા.
બિહારઃ હજુ બે દિવસ પડશે ભારે વરસાદ, ચાર જિલ્લામાં જાહેર કરાયું ઓરેન્જ એલર્ટ
આ ફેનના ટેટુ જોઈને કોહલી રહી ગયો હેરાન, શરીર પર છે વિરાટના રેકોર્ડ્સનું લિસ્ટ, જાણો વિગત
નવા મોટર વ્હીકલ એક્ટમાં દંડની જોગવાઈના વિરોધમાં અમદાવાદમાં રિક્ષા ચાલકોની હડતાલ, હજારો મુસાફરો અટવાયા