નવી દિલ્હીઃ ભારત અને વેસ્ટ ઈન્ડિઝ વચ્ચે ગુરુવારથી બે ટેસ્ટ મેચની શ્રેણીનો પ્રારંભ થઈ રહ્યો છે. ટીમે ટી20 અને વન ડે શ્રેણીમં જીત મેળવ્યા બાદ થોડો સમય આરામ કર્યો હતો. કેપ્ટન વિરાટ કોહલીએ તેના ઈન્સ્ટાગ્રામ પર એક તસવીર શેર કરી છે. આ તસવીરમાં કેપ્ટન કોહલીની સીથે ટીમ ઈન્ડિયાનો કોઈ સભ્ય અને સપોર્ટ સ્ટાફ પણ નજરે પડે છે.


કોહલીના આ ફોટોમાં જસપ્રીત બુમરાહ, કેએલ રાહુલ, રોહિત શર્મા, રિષભ પંત સહિત સપોર્ટ સ્ટાફના સાત સભ્યો નજરે પડી રહ્યા છે. આ તમામ સભ્યો શર્ટલેસ છે. જેમાં ટીમમાં સભ્યોની ફિટનેસની એક ઝલક પણ જોવા મળે છે. તસવીરમાં કોહલી-બુમરાહ સિક્સ પેક દર્શાવતા નજરે પડ્યા હતા.  રોહિત શર્મા ફાંદ છુપાવવા બીજી હરોળમાં ઉભો રહી ગયો હતો, જ્યારે પંત પાણીમાં થોડો નીચો બેસી ગયો હતો.



બુધવારે શેર કરેલી તસવીરમાં વિરાટે કેપ્શનમાં લખ્યું છે, ટીમના ખેલાડીઓ સાથે દરિયા કિનારે એક શાનદાર દિવસ.