ભારતની સ્ટાર બેડમિન્ટન ખેલાડીએ કર્યો ખુલાસો, એક અધિકારીએ મારું કર્યું........

હૈદરાબાદઃ અભિનેત્રી તનુશ્રી દત્તાએ નાના પાટેકર પર યૌન ઉત્પીડનના આરોપ લગાવ્યા પછી બીજી અભિનેત્રીઓ પણ પોતાના સાથે થયેલી ઘટનાઓનો ખુલાસો કરી રહી છે. આ યાદીમાં હવે બેડમિન્ટન ખેલાડી જ્વાલા ગુટ્ટાનું નામ પણ જોડાઈ ગયું છે. જ્વાલા ગુટ્ટાએ પોતાના ટ્વિટર એકાઉન્ટ પર આ વાતનો ખુલાસો કર્યો હતો. જોકે જ્વાલાનું કહેવું છે કે તેનું શોષણ શારીરિક નહીં પણ માનસિક હતું.

જ્વાલા ગુટ્ટાએ ટ્વિટર પર લખ્યું હતું કે મને લાગે છે કે મારે પણ પોતાની સાથે થયેલા માનસિક શોષણને બહાર લાવું જોઈએ. ગુટ્ટાએ લખ્યું હતું કે 2006માં જ્યારથી વ્યક્તિ ચીફ બન્યો છે. તેણે મને નેશનલ ચેમ્પિયન હોવા છતા ટીમમાંથી બહાર કરી દીધી હતી. જ્યારે હું રિયોથી પાછી ફરી તો નેશનલ ટીમમાંથી બહાર કરી દીધી હતી.

જ્યારે તે વ્યક્તિ સફળ ન થઈ શક્યો તો તેણે મારા સાથીઓને ધમકીઓ આપી હતી અને તેમને પરેશાન કર્યા હતા. તેણે મને દરેક પ્રકારે અલગ પાડવાનો પ્રયત્ન કર્યો હતો. રિયો ઓલિમ્પિક પછી જે ખેલાડી સાથે મારે મિક્સ ડબલ્સ રમવાની હતી તેને પણ ધમકી આપવામાં આવી હતી. આ કારણે મેં રમત છોડી દીધી હતી.