કોલકાતાઃ ઇન્ડિય પ્રીમિયર લીગ 2020 માટે ગુરુવારે ખેલાડીઓની હરાજી થશે. આ વખતે કુલ 332 ખેલાડીઓએ હરાજી માટે રજિસ્ટ્રેશન કરાવ્યું છે. તેમાં 186 ખેલાડી ભારતીય અને 146 વિદેશી છે. આઈપીએલમાં કુલ 8 ટીમ છે. રિલીઝ કરવામાં આવેલ ખેલાડીઓની જગ્યાએ નવા ખેલાડી આવશે. જૂના અને અનુભવી ખેલાડીઓની સાથે કેટલાક યુવા ચહેરા પણ હશે જે આ વખતે ઓક્શનમાં ફેન્સને ચોંકાવી શકે છે.

હરાજીની પ્રક્રિયા પ્રથમ વખત કોલકાતામાં આયોજિત કરવામાં આવશે. આઈપીએલ ઓક્શન 2020નું લાઈવ ટેલીકાસ્ટ સ્ટાર સ્પોર્ટ્સ 1 હિંદી/1 એચડી હિંદીની સાથે જ સ્ટાર સ્પોર્ટ્સ ફર્સ્ટ, 1 તમિલ, 1 તેલુગુ, 1 કન્નડ અને 1 બાંગ્લા પર કરવામાં આવશે.

હોસસ્ટાર પણ આ હરાજીનું લાઈવ સ્ટ્રીમિંગ પણ બતાવવામાં આવશે. કુલ 971 ખેલાડીઓએ રજિસ્ટ્રેશન કરાવ્યું હતું. 332 શોર્ટલિસ્ટ કરવામાં આવ્યા. ટીમોની પાસે કુલ 73 સ્લોટ ખાલી છે.