વિરાટ કોહલીએ ખુદની પ્રશંસા કરતી કરી ફેસબુક પોસ્ટ, થઈ ગયો ટ્રોલ, જાણો વિગત

ક્રિકેટ ઓસ્ટ્રેલિયા સામે રમાયેલી પ્રેક્ટિસ મેચમાં વિરાટ કોહલીએ બોલિંગ કરી હતી અને એક વિકેટ લીધી હતી. કોહલીની બોલિંગનો વીડિયો ક્રિકેટ ઓસ્ટ્રેલિયાએ શેર કર્યો હતો અને કોહલીએ આ વીડિયો તેના ફેસબુક પેજ પર શેર કરીને લખ્યું કે, એવું શું કામ છે જે કેપ્ટન ન કરી શકે. જેના કારણે ફેન્સ તેને ટ્રોલ કરી રહ્યા છે.

ભારત-ઓસ્ટ્રેલિયા વચ્ચે 6 ડિસેમ્બરથી એડિલેડમાં પ્રથમ ટેસ્ટ શરૂ થશે. ટીમ ઈન્ડિયા રવિવારે જ એડિલેડ પહોંચી ગઈ છે.

કોહલીએ શેર કરેલી ફેસબુક પોસ્ટ પર યુઝર્સે કરેલી કોમેન્ટ.

ફેન્સે લખ્યું કે, કેપ્ટન થઈને પણ તું આઈપીએલમાં ટીમને વિજેતા બનાવી શક્યો નથી. મોટા મુકાબલામાં તું નિષ્ફળ રહે છે. આ ઉપરાંત અનેક પ્રકારની કોમેન્ટ તેના પેજ પર જોવા મળી રહી છે.

સિડનીઃ ટીમ ઈન્ડિયાનો કેપ્ટન વિરાટ કોહલી મેદાન પર જેટલો સક્રિય નજરે પડે છે તેટલી જ સ્ફૂર્તિ મેદાનથી બહાર પણ દર્શાવે છે. અવારનવાર સોશિયલ મીડિયા પર તે કોઇને કોઇ પોસ્ટ કરીને ફેન્સનું મનોરંજન કરતો રહે છે. પરંતુ તાજેતરમાં વિરાટ કોહલીએ કરેલી ફેસબુક પોસ્ટના કારણે તે ટ્રોલ થઈ રહ્યો છે.