મિતાલી રાજે બુધવારે વનડે રમીને પોતાની ક્રિકેટર કેરિયરના 20 વર્ષ પુરા કરી લીધા, મિતાલી સચીન તેંદુલકર બાદ આટલી લાંબી ક્રિકેટ કેરિયર પુરી કરનારી ભારતની બીજી ક્રિકેટર બની ગઇ છે. સાથે આમ કરનારી દુનિયાની એકમાત્ર મહિલા ક્રિકેટર બની ગઇ છે, આ મામલે મહિલા ક્રિકેટરમાં મિતાલી રાજની આગળ પાછળ કોઇ નથી.
મિતાલીએ 26 જૂન, 1999માં ભારત તરફથી ક્રિકેટ રમવાનુ શરૂ કર્યુ હતુ, ત્યારે તેને પહેલી વનડે ઇન્ટરનેશનલ મેચ રમી હતી. મિતાલી રાજના નામે હાલ 203 વનડેમાં 6720 રન છે. એટલુ જ નહીં મિતાલી રાજ 6 હજાર રન પુરા કરનારી પહેલી મહિલા ક્રિકેટર પણ છે. મિતાલીના નામે વનડેમાં 7 સદી પણ નોંધાયેલી છે.