ન્યૂઝિલેન્ડ સામે બીજી T20 જીત્યા બાદ હાર્દિક પંડ્યાએ મોટા ભાઈ કૃણાલ પંડ્યાને લઈ શું કર્યું ટ્વિટ, જાણો વિગત

હાર્દિક પંડ્યાએ કરેલા ટ્વિટનો સ્ક્રીનશોટ.

કૃણાલ પંડ્યાના દમદાર પ્રદર્શનના કારણે તેને મેન ઓફ ધ મેચ જાહેર કરવામાં આવ્યો હતો. લોકોએ સોશિયલ મીડિયા પર તેની પ્રશંસા કરી હતી. કૃણાલનો નાનો ભાઈ અને ટીમ ઈન્ડિયાના સાથી હાર્દિક પંડ્યાએ પણ તેને અભિનંદન આપ્યા હતા.

નવી દિલ્હીઃ ન્યૂઝિલેન્ડ સામે રમાયેલી બીજી T20માં ગુજરાતી સ્પિન ઓલરાઉન્ડર કૃણાલ પંડ્યા જીતનો હીરો રહ્યો હતો. તેણે ત્રણ ખેલાડીને આઉટ કરીને કિવી ટીમની કમર જ તોડી નાંખી હતી. પ્રથમ ટી20માં રેકોર્ડ સ્કોર કરનારી યજમાન ટીમ 158 રન જ બનાવી શકી હતી અને ભારતે જીત હાંસલ કરીને ત્રણ મેચની સીરિઝ 1-1થી બરાબર કરી હતી.

હાર્દિક પંડ્યાએ તેના ટ્વિટર એકાઉન્ટ પરથી કૃણાલ સાથે એક ફોટો શેર કરીને લખ્યું, મને તારા પર ગર્વ છે મોટા ભાઈ. હાર્દિકના આ ટ્વિટને અનેક લોકો રિટ્વિટ કરી ચુક્યા છે.