પંજાબ સામે જીત પર શાહરૂખે આ ખેલાડી માટે કર્યો ખાસ મેસેજ, જાણો વિગતે

શાહરૂખે પોતાના ટ્વિટર એકાઉન્ટ પર પોતાની એક તસવીર પોસ્ટ કરતાં લખ્યું, મારા કેપ્ટન દિનેશ કાર્તિકે મને હસવા માટે કહ્યું હતું, કારણ કે મેચ પહેલા હું ખૂબ જ નિરાશ હતો. આ તસવીર તેના માટે છે. સાથે જ શાહરૂખે પોતાની ટીમ અને ખેલાડીઓનો આભાર માન્યો. સ્પષ્ટ છે કે કોલકાતાના ફેન્સ તેનાથી ખૂબ જ ખુશ થયા હશે, કારણ કે આશા હજુ જીવંત છે.

કોલકાતા માટે આ જીત અનેક રીતે મહત્ત્વપૂર્ણ હતી, કારણ કે તેનાથી એક તો કોલકાતાના પ્લેઓફમાં પહોંચવાની આશા જળવાઈ રહી છે. બીજુ આ જીતથી ટીમના માલિક શાહરૂખ ખૂબ જ ખુશ થયા. કોલકાતાની જીત અને તેની સ્પિરિટથી ખુશ શાહરૂખ ખાને સોશિયલ મીડિયા પર પોતાની ટીમના કેપ્ટન દિનેશ કાર્તિકને ડેડિકેટ કરતાં એક ખાસ મેસેજ પોસ્ટ કર્યો.

કિંગ ખાન પોતાની ટીમના આ પ્રદર્શનથી એટલા નિરાશ હતા કે તેણે જાહેરમાં કહ્યું હતું કે લેક ઓફ સ્પીરિટને કારણે આ હાર થઈ છે. શાહરૂખનું આ રીતે કહેવું પરોક્ષ રીતે કેકેઆર માટે આત્મવિશ્વાસ વધારવા જેવું હતું, કારણ કે ત્યાર બાદ પંજાબ વિરૂદ્ધ રમાયેલ મેચમાં કોલકાતાએ 31 રનથી જીત નોંધાવી હતી.

નવી દિલ્હીઃ કિંગ્સ ઇલેવન પંજાબ પર કોલકાતા નાઈટ રાઈડર્સની જાત બાદ કોલકાતા ટીમના સહ માલિક શાહરૂખ ખાને સોશિયલ મીડિયા પર કેપ્ટન દિનેશ કાર્તિકને એક ખાસ મેસેજ મોકલ્યો છે. કિંગ ખાનના આ મેસેજને ખૂબ પસંદ કરવામા આવી રહ્યો છે. અભિનેતા શાહરૂખ ખાન કોલકાતા અને મુંબઈની વચ્ચે આઈપીએલની 41માં મેચમાં પોતાની ટીમની હારથી ખૂબ જ નિરાશ હતા. કોલકાતાની ટીમ આ મેચ 120 રને હારી હતી.