IPL 2018: આટલું મોંઘુ બેટ વાપરે છે કેપ્ટન કૂલ ધોની, જાણો કિંમત અને ખાસિયત

ધોનીએ 2013માં ઓસ્ટ્રેલિયાની Spartan Sports સાથે કરાર કર્યો હતો. ત્યારથી ધોની આ કંપનીનું બેટ ઉપયોગ કરે છે. મીડિયા રિપોર્ટ્સ અનુસાર ધોનીએ આ ડીલ 25 કરોડ રૂપિયામાં કરી હતી. ધોનીના આ બેટની કિંમત લગભગ 32,000 રૂપિયા છે. જે થોડું મોઘું છે.

ધોનીની ટાઈમિંગ અને બાવડાની તાકાત પર ક્રિકેટ એક્સપર્ટ ચર્ચા કરે છે. આ ઉપરાંત 45એમએમની ધારવાળું તેનું બેટ પણ શોટ્સમાં મહત્વપૂર્ણ છે. ટોચના ભારતીય બેટ્સમેનોમાં ધોની જ એક એવો બેટ્સમેન છે જે 45એમએમનું બેટ ઉપયોગ કરે છે.

મહેન્દ્ર સિંહ ધોની પોતાની પાવર હિટીંગ માટે પણ દુનિયાભરમાં જાણીતો છે. ધોનીએ આઈપીએલમાં અત્યાર સુધી 162 મેચો રમી છે, જેમાં તેણે 38.22ની એવરેજથી 3670 રન બનાવ્યા છે. આઈપીએલમાં ધોનીએ કુલ 258 ચોગ્ગા અને 162 છગ્ગા લગાવ્યા છે. આઈપીએલમાં ધોનીનું સર્વશ્રેષ્ઠ પ્રદર્શન કિંગ્સ ઈલેવન પંજાબ સામે રવિવારે હતું, જ્યારે તેણે અણનમ 79 રનની ઈનિંગ રમી.

નવી દિલ્હીઃ પૂર્વ ભારતીય કેપ્ટન મહેન્દ્ર સિંહ દોની ઇન્ડિયન પ્રીમિયર લીગના સફળ કેપ્ટનમાંથી એક છે. આઈપીએલ સીઝન 11માં ધોની ફરીથી ચેન્નઈ સુપરકિંગ્સના કેપ્ટન તરીકે પરત ફર્યા છે. ટીમ સ્પોટ ફિક્સિંગ સ્કેન્ડલમાં ફસાયા બાદ બે વર્ષનો બેનનો સાનો કરીને પરત ફરી છે અને શાનદાર પ્રદર્શન કર્યું છે.

અત્યાર સુધી ધોનીએ 132 મેચમાં ચેન્નઈની કેપ્ટનશિપ કરી છે અને તેમાંથી 80 મેચમાં જીત મેળવી છે. હાલના લીગમાં રોહિત શર્મા અને ગૌતમ ગંભીર ઉપરાંત ધોની જ એવો કેપ્ટન છે જેણે આ ટૂર્નામેન્ટ બે વખત જીતી છે.