નવી દિલ્હીઃ ઇન્ડિયન પ્રીમિયર લીગ-૧૨ના એલિમિનેટરના મુકાબલામાં આજે દિલ્હી કેપિટલ્સ અને સનરાઇઝર્સ હૈદરાબાદની ટક્કર છે. મેચમાં દિલ્હી કેપિટલ્સે ટોસ જીતીને પ્રથમ ફિલ્ડિંગ કરવાનો નિર્ણય લીધો હતો. સનરાઇઝર્સે પ્રથમ બેટિંગ કરતાં 20 ઓવરમાં 8 વિકેટના નુકસાન પર 162 રન બનાવ્યા હતા. હૈદરાબાદ તરફથી માર્ટિન ગપ્ટિલે 19 બોલમાં 36, વિજય શંકરે 11 બોલમાં 25, મનીષ પાંડેએ 36 બોલમાં 30, કેન વિલિયમ સને 27 બોલમાં 28 રન, મોહમ્મદ નબીએ 13 બોલમાં 20 રનનું યોગદાન આપ્યું હતું. દિલ્હી તરફથી કિમો પોલે 3, ઈશાંત શર્માએ 2, તથા ટ્રેન્ટ બાઉલ્ટ અને અક્ષર પટેલે 1-1 વિકેટ લીધી હતી. આ મુકાબલામાં જે ટીમ હારશે તેના પડકારનો અંત આવશે. બીજી તરફ વિજય મેળવનારી ટીમ શુક્રવારના ક્વોલિફાયર-૨ના મુકાબલામાં ચેન્નાઇ સુપર કિંગ્સ સામે રમશે. બંને ટીમો આ પ્રમાણે છે. દિલ્હી કેપિટલ્સની ટીમ  હજુ સુધી ક્યારેય આઇપીએલની ફાઇનલમાં પહોંચી શકી નથી. આ વખતે તેઓ 2012 બાદ પ્રથમવાર પ્લે ઓફમાં રમી રહ્યા છે. વર્તમાન સિઝનનો દેખાવ જોવામાં આવે તો દિલ્હી કેપિટલ્સ માટે આ વખતે ફાઇનલ સુધી પહોંચવાની પૂરી તક છે. બીજી તરફ સનરાઇઝર્સ હૈદરાબાદે લીગ રાઉન્ડમાં ખૂબ જ સારો દેખાવ કર્યો હતો અને તેનો શ્રેય મહદ્અંશે ડેવિડ વોર્નર-જોની બૈરસ્તોની જોડીને જાય છે. અલબત્ત, વન-ડે વર્લ્ડકપની પૂર્વતૈયારી માટે આ બંને બેટ્સમેન વતન પરત ફરતાં જ સનરાઇઝર્સ હૈદરાબાદની બેટિંગ નબળી પડી ગઇ છે. વર્લ્ડકપની ટીમમાં સામેલ કેદાર જાધવની ઈજાને લઈ આવ્યા મોટા સમાચાર, જાણો વિગત વર્લ્ડકપ પહેલા ઓસ્ટ્રેલિયાને લાગ્યો મોટો ફટકો, આ ખેલાડી થયો બહાર, જાણો વિગત પ્રિન્સ હેરી અને મેગન માર્કલે બતાવી પુત્રની પહેલી ઝલક,  જુઓ વીડિયો