કોલકત્તાઃ કોલકત્તાના ઇડન ગાર્ડન્સમાં રમાઇ રહેલી કોલકત્તા નાઇટ રાઇડર્સ અને રાજસ્થાન રોયલ્સ વચ્ચેની મેચમાં કોલકત્તાએ રાજસ્થાનને જીતવા માટે 176 રનનો ટાર્ગેટ આપ્યો હતો. કોલકત્તા તરફથી કેપ્ટન દિનેશ કાર્તિકે 50 બોલમાં અણનમ 97 રન ફટકાર્યા હતા. જેમાં 9 સિક્સ અને સાત ચોગ્ગાનો સમાવેશ થાય છે. આ અગાઉ રાજસ્થાને ટોસ જીતીને પ્રથમ ફિલ્ડિંગ કરવાનો નિર્ણય કર્યો હતો.

કોલકત્તાને પ્રથમ ઓવરમાં ઝટકો લાગ્યો હતો. ક્રિન લિન શૂન્ય રન પર એરોનનો શિકાર બન્યો હતો. બાદમાં શુભમન ગિલ પણ 14 રન બનાવી આઉટ થયો હતો. બાદમાં નવી ઓવરમાં ટીમને ત્રીજો ઝટકો લાગ્યો હતો. શ્રેયસ ગોપાલે નીતિશ રાણાને 21 રનના અંતગ સ્કોર પર એરોનના હાથે કેચ આઉટ કરાવ્યો હતો.

જોકે, બાદમાં દિનેશ કાર્તિકે આક્રમક 97 રન ફટકારી મુશ્કેલીમાં ફસાયેલી ટીમને સન્માનજનક સ્કોર સુધી પહોંચાડી હતી. રસેલ આજની મેચમાં કાંઇ કરી શક્યો નહોતો અને 14 રન બનાવી આઉટ થયો હતો.