મુંબઈ ઈન્ડિયન્સે યુવરાજની સાથે એવિન લુઈસ, એડમ મિલ્ને,જેસન બેહરનડૉર્ફ, બરિંદ સરાન, બેન કટિંગ અને પંકજ જાયસવાલને ટીમમાંથી બહાર કર્યા છે. તમામ ટીમોને ખેલાડીઓને બહાર કરવા માટે 15 નવેમ્બર સુધીનો સમય આપવામાં આવ્યો હતો. ચેન્નઈ સુપર કિંગ્સે પણ પોતાના પાંચ ખેલાડીઓને બહાર કર્યા છે.
મુંબઈએ સાત ખેલાડીઓને બહાર કરી દેતાં તેની પાસે 13.05 કરોડ રૂપિયાનું પર્સ છે. તેની પાસે હવે કુલ સાત ખેલાડીઓની જગ્યા બચી છે. સાથે જ બે વિદેશી ક્રિકેટર્સને પણ લેવાની જગ્યા બચી છે. આ રકમથી મુંબઈ આગામી મહિને થનાર ઓક્શનમાં બે નવા ચેહરા ઉપર દાવ લગાવી શકે છે.