IPL-11નો બીજો સૌથી મોંઘો ખેલાડી બન્યો આ ગુજરાતી ખેલાડી, જાણો કેટલી ચૂકવાઇ રકમ

બેગ્લુરુઃ ઇન્ડિયન પ્રિમિયર લીગની 11મી સીઝન માટે હરાજીના બીજા દિવસે ગુજરાતી ક્રિકેટર છવાયો હતો. સૌરાષ્ટ્રના ફાસ્ટ બોલર જયદેવ ઉનડકટ આઇપીએલ સીઝન 11નો બીજો સૌથી મોંઘો ખેલાડી બન્યો હતો. જયદેવને રાજસ્થાન રોયલ્સે 11.5 કરોડમાં ખરીદ્યો હતો. બેન સ્ટોક્સ બાદ જયદેવ બીજો સૌથી મોંઘો ખેલાડી બન્યો હતો.

હરાજીના પ્રથમ દિવસે ઇગ્લેન્ડના ઓલરાઉન્ડર બેન સ્ટોક્સ સૌથી મોંઘો ખેલાડી રહ્યો હતો. તેને રાજસ્થાન રોયલ્સે 12.5 કરોડ રૂપિયામાં ખરીદ્યો હતો. ભારતના યુવા ખેલાડી મનીષ પાંડે અને લોકેશ રાહુલને પણ સારી કિંમત મળી હતી. રાહુલને પંજાબે જ્યારે મનીષ પાંડેને હૈદરાબાદે 11-11 કરોડમાં ખરીદ્યા હતા