IPLમાં કિંગ્સ ઈલેવન પંજાબે ગુજરાતના કયા ખેલાડીને 20 લાખમાં ખરીદ્યો, જાણો વિગત

ઉલ્લેખનીય છે કે, અગ્નિવેશ કચ્છ ડિસ્ટ્રીક્ટ રૂરલનો ખેલાડી બન્યા બાદ તબક્કાવાર તેને પોતાની કારર્કિદી આગળ ઘડી હતી અને મહેનત થકી રણજીત ટ્રોફી સૌરાષ્ટ્રમાં પસંદગી થયો હતો.

જાણકાર વર્તુળોના દાવા મુજબ કચ્છ જિલ્લામાં પ્રથમ વખત એવો બનાવ છે કે, એક ખેલાડી આઈપીએલ સુધી પહોંચ્યો હોય.

કચ્છ ડિસ્ટ્રીક્ટ રૂરલ ક્રિકેટ એસોસિએશનના પ્રમુખ શેખર અયાચીના પુત્ર અગ્નિવેશને પંજાબ ઈલેવનની ટીમમાં આઈપીએલ ટુર્નામેન્ટ માટે લેવામાં આવ્યો છે તેવું સુત્રોમાંથી જાણવા મળ્યું છે.

ભુજ: ક્રિકેટમાં આઈપીએલનો ક્રેઝ વધી રહ્યો છે. છેલ્લા કેટલાંય સમયથી આ ટુર્નામેન્ટમાં જુદા-જુદા ખેલાડીઓને લાખો રૂપિયામાં જે તે ટીમ દ્વારા ખરીદવામાં આવતા હોય છે. કચ્છના ઈતિહાસમાં પહેલીવાર આઈપીએલ ટુર્નામેન્ટમાં પંજાબ ઈલેવને કચ્છના ખેલાડીને 20 લાખમાં ખરીદ્યાના સમાચાર મળતાં જ ક્રિકેટના વર્તુળોમાં ખુશીનું મોજું ફરી વળ્યું હતું.