ઈન્દોર: મુંબઈ ઇન્ડિયન્સે ટીમે આઈપીએલ-11ની 34મી મેચમાં કિંગ્સ ઇલેવન પંજાબને છ વિકેટે પરાજય આપ્યો હતો. સૂર્યકુમાર યાદવે 57 રન બનાવ્યા હતા. કૃણાલ પંડ્યાએ અણનમ 31 રન બનાવ્યા. ઇન્દોરના હોલ્કર સ્ટેડિયમમાં પંજાબે છ વિકેટે 174 રન બનાવ્યા હતા અને મુંબઈએ 19 ઓવરમાં ચાર વિકેટે 176 રન બનાવીને ટાર્ગેટ પૂર્ણ કરી લીધો હતો.
કિંગ્સ ઈલેવન પંજાબે મુંબઈ ઇન્ડિયન્સને જીત માટે 175 રનનો ટાર્ગેટ આપ્યો છે. હોલ્કર ક્રિકેટ સ્ટેડિયમમાં મુંબઈ ઇન્ડિયન્સ વિરુદ્ધ પહેલા બેટિંગ માટે ઉતરેલી કિંગ્સ ઇલેવન પંજાબે 20 ઓવરમાં 6 વિકેટના નુકસાને 174 રન કર્યા હતા. પંજાબ તરફથી ક્રિસ ગેઇલ 50 રન બનાવીને આઉટ થયો. ગેઇલે પોતાની ઇનિંગ્સમાં 2 છગ્ગા માર્યા. આ પહેલા મુંબઈએ ટોસ જીતીને પ્રથમ બોલિંગનો નિર્ણય કર્યો હતો.
મુંબઈ ઈન્ડિયન્સ અને કિંગ્સ ઈલેવન પંજાબ વચ્ચે આઈપીએલ-11નો 34મો મુકાબલો ઈન્દોરના હોલકર સ્ટેડિયમમાં રમાઈ રહ્યો છે. મુંબઈએ ટોસ જીતી લીધો છે અને પંજાબ વિરુદ્ધ પ્રથમ બોલિંગનો નિર્ણય કર્યો છે. આ કિંગ્સ ઈલેવન પંજાબનું ઘરેલુ મેદાન છે. આઈપીએલમાં સૌથી નબળી ગણાતી પંજાબે આ વખતે 7માંથી 5 મેચ જીતીને સૌને ચોંકાવી દીધા છે. તેની પાસે ક્રિસ ગેઈલ જેવા તોફાની બેટ્સમેન છે. વર્તમાન આઈપીએલમાં મુંબઈનું પ્રદર્શન સૌથી નબળું રહ્યું છે.
મુંબઈની ટીમ આ સીઝનમાં પોઈન્ટ ટેબલમાં સૌથી નિચલા સ્થાન પર છે. બીજી તરફ પંજાબ આ સીઝનમાં સારૂ પ્રદર્શન કરી રહ્યું છે. પંજાબ 7માંથી 5 મેચ જીતી ત્રીજા સ્થાન પર છે.