મુંબઇઃ ભારતીય ટીમના યુવા ક્રિકેટર અને વિસ્ફોટક બેટ્સમેન ગણાતા પૃથ્વી શૉની ચર્ચા હવે ક્રિકેટ ગલિયારાઓમાં ખુબ થવા લાગી છે, પૃથ્વી શૉની ઉંમર નાની છે, કદ પણ નાનુ છે પણ સપનાઓ ખુબ મોટા છે. તાજતેરમાં જ 22 વર્ષીય વિસ્ફોટક બેટ્સમેન પૃથ્વી શૉએ પોતાના એક સપનાને સાકાર કર્યુ છે, તેને મુંબઇમાં એક આલિશાન બંગલો, જે કરોડોની કિંમતનો છે તેને ખરીદ્યો છે. હાલમાં પૃથ્વી શૉ આઇપીએલમાં દિલ્હી કેપિટલ્સની ટીમ તરફથી ધમાલ મચાવી રહ્યો છે, અને રનોનો ઢગલા કરી રહ્યો છે.
ખાસ વાત છે કે પૃથ્વી એક સમયે મુંબઇના થાણેમાં ચાલીના નાનકડા ઘરમાં રહેતો હતો, હવે તેની સફર મુંબઇની લક્ઝરી એપાર્ટમેન્ટનો માલિક બનવા સુધીની થઇ ગઇ છે.
અહીં ખરીદ્યો કરોડોનો બંગલો -
પૃથ્વી શૉએ મુંબઈના હાઇફાઇ એરિયામાં એટલે કે બાંદ્રા રિક્લેમેશનમાં એક પ્રીમિયમ રેસિડેન્શિયલ એપાર્ટમેન્ટ ખરીદ્યું છે. રિપોર્ટ છે કે, બંગલાની કિંમત 10 કરોડ રૂપિયા છે. રિપોર્ટ્સનું માનવામાં આવે તો પૃથ્વી શોના આ લક્ઝરી એપાર્ટમેન્ટનો કાર્પેટ એરિયા 2209 સ્ક્વેર ફૂટ છે જ્યારે એક ટેરેસ 1654 સ્ક્વેર ફૂટ છે. આ એપાર્ટમેન્ટ પ્રોજેક્ટ-81 ઓરિયેટ સ્થિત છે. તેની સ્ટેમ્પ ડ્યુટીની કિંમત સાંભળશો તો તમે પણ આશ્ચર્ય પામશો. પૃથ્વીએ સ્ટેમ્પ ડ્યુટી તરીકે 52.5 લાખ રૂપિયા ચૂકવ્યા છે.
પૃથ્વીની ક્રિકેટરમાં સફળતા -
પૃથ્વી શૉએ જૂનિયર ક્રિકેટથી જ પોતાની પ્રતિભા બતાવી, તેને 2018માં અંડર-19 વર્લ્ડ કપમાં ભારતનું પ્રતિનિધિત્વ કર્યું હતું અને તે મોહમ્મદ કૈફ, વિરાટ કોહલી, ઉન્મુક્ત ચંદ બાદ આ વર્લ્ડ કપ જીતનારો ચોથો ભારતીય સુકાની બન્યો હતો. ત્યારબાદ આ આક્રમક ઓપનરે પાછળ વળીને જોયું નથી. તેણે આ વર્ષે ભારત માટે વેસ્ટ ઈન્ડિઝ વિરુદ્ધ ટેસ્ટ ડેબ્યુ કર્યું હતું. જ્યારે 2020માં ન્યૂઝીલેન્ડ વિરુદ્ધ વન-ડે કારકિર્દીનો પ્રારંભ કર્યો હતો.
2021માં શ્રીલંકા વિરુદ્ધ ટી20 ડેબ્યુ કરનારો પૃથ્વી શૉ હાલમાં આઈપીએલમાં દિલ્હી કેપિટલ્સ ટીમનો મહત્વનો ઓપનર બેટ્સમેન બની ગયો છે. પૃથ્વીએ આઈપીએલની 62 મેચમાં 25.23ની સરેરાશથી 1564 રન બનાવ્યા છે.