GT vs RR Final: અમદાવાદના નરેંદ્ર મોદી સ્ટેડિયમમાં (Narendra Modi Stadium) આજે IPL 2022 ની ફાઈનલ (IPL 2022 Final) મેચ રમાશે. આ મુકાબલો ગુજરાત ટાઈટન્સ (Gujarat Titans) અને રાજસ્થાન (Rajasthan Royals) ની વચ્ચે રાત્રે 8 વાગ્યે શરુ થશે. આ મેચ બંને ટીમો માટે ઘણી મહત્વની છે. ગુજરાત તેની પ્રથમ સિઝનમાં જ ટાઈટલ જીતવા ઈચ્છશે તો રાજસ્થાન 14 વર્ષ બાદ ચેમ્પિયન બનવા ઈચ્છશે. આ નિર્ણાયક મેચમાં રાજસ્થાનના ઓપનર જોસ બટલર ઘણા રેકોર્ડ પોતાના નામે કરી શકે છે. આવું કરનાર તે આઈપીએલના ઈતિહાસમાં બીજો બેટ્સમેન બની જશે.
વાસ્તવમાં જોસ બટલરે IPL 2022માં અત્યાર સુધી 16 મેચોમાં 58.86ની એવરેજ અને 151.47ની સ્ટ્રાઈક રેટથી 824 રન બનાવ્યા છે. જો તે ફાઈનલ મેચમાં 25 રન બનાવી લે છે તો આ સિઝનમાં તેના 849 રન થઈ જશે. તે IPL સિઝનમાં સૌથી વધુ રન બનાવનાર બીજા નંબરનો ખેલાડી બની શકે છે. આ કિસ્સામાં, તે ડેવિડ વોર્નરને પાછળ છોડી દેશે. વોર્નરે IPL 2016માં 848 રન બનાવ્યા હતા જ્યારે વિરાટ કોહલીએ તે જ વર્ષે 973 રન બનાવ્યા હતા. જો આજની મેચમાં બટલરનું બેટ ચાલશે તો તે વોર્નરને પાછળ છોડી દેશે.
IPL સિઝનમાં સૌથી વધુ રન
જોસ બટલર - 824*
ડેવિડ વોર્નર - 848
વિરાટ કોહલી - 973
ગેલની બરાબરી કરવાની તક
આ સાથે જોસ બટલર આજની મેચમાં વધુ એક રેકોર્ડ પોતાના નામે કરી શકે છે. તેણે IPL 2022માં અત્યાર સુધીમાં 4 સદી ફટકારી છે. રાજસ્થાનનો આ ઓપનર પણ શાનદાર લયમાં છે. આવી સ્થિતિમાં, જો તે આજની મેચમાં સદી ફટકારે છે, તો તે IPLની એક સિઝનમાં સૌથી વધુ સદી ફટકારનાર બેટ્સમેન બની જશે. અત્યારે તે વિરાટ કોહલી સાથે સંયુક્ત રીતે પ્રથમ સ્થાને છે. સદી ફટકારતાની સાથે જ તે વિરાટ કોહલીને પાછળ છોડી દેશે. આઈપીએલમાં બટલરે અત્યાર સુધીમાં 5 સદી ફટકારી છે. જો તે ફાઈનલ મેચમાં સદી ફટકારશે તો તે ક્રિસ ગેલની બરાબરી કરશે. આઈપીએલના ઈતિહાસમાં ગેઈલે 6 સદી ફટકારી છે.
IPLમાં સૌથી વધુ સદી
ક્રિસ ગેલ - 6 સદી
વિરાટ કોહલી/જોસ બટલર - 5 સદી
શેન વોટસન, ડેવિડ વોર્નર, કેએલ રાહુલ - 4 સદી