PBKS vs SRH: મુંબઈના DY પાટિલ સ્ટેડિયમમાં રમાઈ રહેલી IPL 2022 ની 28મી મેચમાં પંજાબ કિંગ્સના વિસ્ફોટક બેટ્સમેન લિયામ લિવિંગસ્ટોને સનરાઈઝર્સ હૈદરાબાદના સ્પીડસ્ટાર ઉમરાન મલિક પર 106 મીટર લાંબી સિક્સ ફટકારી હતી. લિવિંગસ્ટોનના આ સિક્સરનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
ઉમરાન મલિક આ મેચમાં પંજાબના બેટ્સમેનોને પોતાની સ્પીડથી પરેશાન કરી રહ્યો હતો. આ ઓવરના પ્રથમ બે બોલ પર, ઉમરાને લિવિંગસ્ટોનને પરેશાન કર્યા, પરંતુ ત્રીજા બોલ પર, લિવિંગસ્ટોને શાનદાર પુલ શોટ રમ્યો અને 106 મીટર લાંબી સિક્સર ફટકારી. હૈદરાબાદનો કેપ્ટન કેન વિલિયમસન પણ લિવિંગસ્ટોનના આ શોટને જોતો રહ્યો. જ્યારે ડગઆઉટમાં બેઠેલા પંજાબના કોચ અનિલ કુંબલે પણ ખુશીથી ઉછળી પડ્યા હતા.
ઉમરાન મલિકે છેલ્લી ઓવરમાં ત્રણ વિકેટ ઝડપી
સનરાઇઝર્સ હૈદરાબાદ માટે છેલ્લી ઓવરમાં આવેલા ઉમરાન મલિકે એકપણ રન આપ્યા વિના ત્રણ વિકેટ ઝડપી હતી. આ ઓવરમાં એક ખેલાડી રનઆઉટ પણ થયો હતો. આ રીતે 20મી ઓવરમાં કુલ ચાર વિકેટ પડી હતી. ઉમરાને તેની ચાર ઓવરમાં 28 રન આપીને ચાર વિકેટ લીધી હતી. આ સાથે જ ભુવીએ ત્રણ વિકેટ ઝડપી હતી.