IPL 2023 GT vs KKR: જેસન રોય સામેલ કોલકાતા નાઈટ રાઈડર્સની ટીમ વધુ મજબૂત બની છે. ઇંગ્લેન્ડ ક્રિકેટ ટીમનો આ ડેશિંગ બેટ્સમેન ગુજરાત ટાઇટન્સ સામેની મેચ પહેલા કોલકત્તા ટીમ સાથે જોડાયો હતો. બંને ટીમો વચ્ચે 9 એપ્રિલે અમદાવાદના નરેન્દ્ર મોદી સ્ટેડિયમમાં મેચ રમાશે. જેસન રોય 8 એપ્રિલની સવારે અમદાવાદ પહોંચ્યો હતો. તે ગુજરાત ટાઇટન્સ સામેની મેચમાં રમવાનો છે. કોલકત્તાએ પોતે તેના સત્તાવાર ટ્વિટર હેન્ડલ દ્વારા તેના આગમનની માહિતી ટ્વિટ કરી હતી.
કેકેઆરએ કર્યું સ્વાગત
જેસન રોયનું અમદાવાદ આગમન પર કોલકત્તાએ સ્વાગત કર્યું હતું. કોલકાતા નાઈટ રાઈડર્સે ઓફિશિયલ ટ્વીટમાં લખ્યું, અમને ખબર હતી કે તમે આની રાહ જોઈ રહ્યા છો. સ્વાગતમ રોય દા. જેસન રોય ઓપનર તરીકે રમે છે. તે આક્રમક બેટિંગ માટે જાણીતો છે. તેના આવ્યા બાદ કોલકાતા નાઈટ રાઈડર્સ ટીમની ઓપનિંગની સમસ્યા ઉકેલાઇ ગઈ છે. નિયમિત કેપ્ટન શ્રેયસ ઐયર IPL 2023 માંથી બહાર હોવાથી KKRની બેટિંગ નબળી દેખાતી હતી.
કોલકાતા નાઈટ રાઈડર્સે જેસન રોયને 2.8 કરોડ રૂપિયામાં પોતાની ટીમમાં સામેલ કર્યો હતો. રોય અગાઉ 2021માં IPL રમી ચૂક્યો છે. આ પછી, ગયા વર્ષે તેણે ક્રિકેટમાંથી અનિશ્ચિત સમય માટે બ્રેક લીધો હતો. IPL 2022ની મેગા ઓક્શનમાં તેને ગુજરાત ટાઇટન્સે ખરીદ્યો હતો. જેસન રોય વર્ષ 2021માં સનરાઇઝર્સ હૈદરાબાદ તરફથી રમ્યો હતો. ત્યારબાદ તેણે 5 મેચમાં 30ની એવરેજથી 150 રન બનાવ્યા. વર્ષ 2020 માં તે દિલ્હી કેપિટલ્સનો ભાગ હતો.
બીજી મેચમાં KKRનો વિજય થયો હતો
કોલકાતા નાઈટ રાઈડર્સને તેની પ્રથમ મેચમાં પંજાબ કિંગ્સ સામે હારનો સામનો કરવો પડ્યો હતો. આ મેચમાં પંજાબે ડકવર્થ/લુઈસ નિયમના આધારે KKRને 7 રનથી હરાવ્યું હતું. આ પછી કોલકાતા નાઈટ રાઈડર્સે આગામી મેચમાં આરસીબી સામે જોરદાર વાપસી કરી હતી. આ મેચમાં KKRએ બેંગ્લોરને 81 રનના વિશાળ અંતરથી હરાવ્યું હતું. શાર્દુલ ઠાકુરે આરસીબી સામેની મેચમાં શાનદાર પ્રદર્શન કર્યું હતું.
IPL: હાર્દિકની ટીમમાં ધમાલ મચાવી રહ્યો છે આ ખતરનાક બેટ્સમેન, એકસમયે પંજાબ કિંગ્સે અપમાનિત કરીને છીનવી લીધી હતી કેપ્ટનશીપ,
IPL: ઇન્ડિયન પ્રીમિયર લીગની 16મી સિઝનની શરૂઆત થઇ ચૂકી છે. અત્યારે તમામ ટીમો એકબીજા સામે ટકરાઇ રહી છે, અને હવે આ કડીમાં હાર્દિક પંડ્યાની ટીમ સૌથી ઉપર છે, અત્યારે પૉઇન્ટ ટેબલમાં હાર્દિકની ટીમ તમામ બે મેચો જીતીને ટૉપ પર છે, હાર્દિકની ટીમમાં હવે એક ખતરનાક ખેલાડીનો વાપસી થઇ ચૂકી છે, જે ગઇ સિઝનનો વિનર પણ છે. જેનુ નામ છે ડેવિડ મિલર. ડેવિડ મિલર સાઉથ આફ્રિકન સ્ટાર બેટ્સમેન છે. અને આઇપીએલમાં ધમાલ મચાવી રહ્યો છે.
ખાસ વાત છે કે, IPL 2023માં ગુજરાત ટાઈટન્સે ગઇકાલે રમાયેલી પોતાની બીજી મેચમાં દિલ્હી કેપિટલ્સને 6 વિકેટે હરાવી દીધુ. આ મેચમાં દિલ્હીએ પહેલા બેટિંગ કરતા 162 રન બનાવ્યા હતા. જેના જવાબમાં ગુજરાત ટાઈટન્સની ટીમે 11 બૉલ બાકી રહેતા 4 વિકેટથી મેચ પોતાના નામે કરી હતી. ગુજરાતનો એક બેટ્સમેન ગત સિઝનથી શાનદાર ફોર્મમાં છે. લક્ષ્યનો પીછો કરતી વખતે તેની એવરેજ 150થી પણ વધુ હોય છે. આ બેટ્સમેનની બેટિંગ એવરેજ મહાન ક્રિકેટર ડોન બ્રેડમેનની ટેસ્ટ એવરેજ કરતા પણ સારી છે.