Rashid Khan New Snake Shot: રાશિદ ખાન અત્યાર સુધી IPL 2024માં બહુ અસરકારક સાબિત થયો નથી, પરંતુ હાલમાં રાશિદનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે ખૂબ જ વિચિત્ર રીતે શૉટ રમતો જોવા મળી રહ્યો છે. તમે આ શૉટને રાશિદ ખાનના 'સ્નેક શૉટ'નું નવું વર્ઝન પણ કહી શકો છો. રાશિદનો શૉટ એવો હતો કે બૉલર પણ તેના વખાણ કરવા મજબૂર થઈ ગયા. ખરેખરમાં, રાશિદ ખાને આઇપીએલમાં આ નવો 'સ્નેક શૉટ' શોધ્યો છે.
ગુજરાત ટાઇટન્સ તરફથી રમતા રાશિદ ખાને ઇન્સ્ટાગ્રામ દ્વારા એક વીડિયો શેર કર્યો હતો, જેમાં તેણે 'સ્નેક શૉટ'ના નવા વર્ઝનનું પ્રદર્શન કર્યું હતું. વીડિયોમાં જોઈ શકાય છે કે રાશિદ પ્રેક્ટિસ કરી રહ્યો છે. આ દરમિયાન તે પહેલા ઝડપી બૉલરની સામે વલણ અપનાવે છે અને પછી લગભગ ત્રણેય સ્ટમ્પ છોડીને ઓફ સાઈડ પર ઉભો રહે છે.
રાશિદ ખાનના સ્ટમ્પ જોઈને બૉલર બોલને સીધો સ્ટમ્પ પર ફેંકવાનો પ્રયાસ કરે છે. બૉલર સ્ટમ્પ લાઇન પર બરાબર બૉલિંગ કરે છે પરંતુ રાશિદ 'સ્નેક શૉટ' રમીને અદભૂત અંદાજમાં તે સ્ટમ્પ લાઇન પર બોલને ફટકારે છે. રાશિદનો આ શોટ ખરેખર જોવા જેવો છે.
આયર્લેન્ડના જોશુઆ લિટલ, ઓસ્ટ્રેલિયન ફાસ્ટ બોલર સ્પેન્સર જોન્સન સહિત ઘણા લોકોએ કરામતી ખાનના નામથી જાણીતા રાશિદના આ વીડિયો પર કોમેન્ટ કરી હતી. રાશિદના આ શૉટને જોઈને મોટાભાગના લોકો હસી રહ્યા છે, જ્યારે ઘણા તેના વખાણ કરતા જોવા મળી રહ્યા છે.
આઇપીએલ 2024માં અત્યાર સુધી આવું રહ્યું છે રાશિદ ખાનનું પ્રદર્શન
રાશિદે આ સિઝનમાં અત્યાર સુધી ગુજરાત માટે 9 મેચ રમી છે, જેમાં તેણે 31.63ની એવરેજથી માત્ર 8 વિકેટ લીધી છે. આ સમયગાળા દરમિયાન તેણે 7.44ની ઇકોનોમી પર રન આપ્યા છે. આ સિવાય બેટિંગ કરતી વખતે તેણે 21 અને 147.37ની એવરેજથી 84 રન બનાવ્યા છે, જેમાં હાઈ સ્કોર 31 રન હતો.