Justin Langer On Mayank Yadav Injury: આજે IPLમાં લખનઉ સુપર જાયન્ટ્સ (LSG) અને દિલ્હી કેપિટલ્સ (DC)ની ટીમો સામસામે ટકરાશે. પરંતુ આ મેચ પહેલા લખનઉ સુપર જાયન્ટ્સને મોટો ઝટકો લાગ્યો છે. લખનઉ સુપર જાયન્ટ્સના કોચ જસ્ટિન લેંગરે કહ્યું કે ફાસ્ટ બોલર મયંક યાદવ ફરીથી ઈજાનો શિકાર બન્યો છે. દિલ્હી કેપિટલ્સ સામેની મેચ પહેલા પ્રેસ કોન્ફરન્સમાં જસ્ટિન લેંગરે કહ્યું કે મયંક યાદવને આંગળીમાં ઈજા થઈ છે. તેથી, હવે આ ઝડપી બોલરની વાપસીમાં વિલંબ થશે.
પ્રેસ કોન્ફરન્સમાં જસ્ટિન લેંગરે શું કહ્યું ?
જસ્ટિન લેંગરે કહ્યું કે મયંક યાદવે ગયા વર્ષે ઘણો પ્રભાવિત કર્યો હતો. અમે તેના વાપસીની આતુરતાથી રાહ જોઈ રહ્યા હતા, પરંતુ આ વખતે તે આંગળીની ઈજાનો શિકાર બન્યો હતો. આ પછી, તેની આંગળીમાં ઈન્ફેક્શન લાગ્યું. હવે મયંક યાદવના રિહેબમાં 1 કે 2 અઠવાડિયાનો વિલંબ શક્ય છે, પરંતુ સારી વાત એ છે કે તે ઠીક છે. અમે મયંક યાદવના ફૂટેજ પર સતત નજર રાખી રહ્યા છીએ. મેં ગઈ કાલે તેનો વિડિયો જોયો. મને આશા છે કે ટૂર્નામેન્ટના અંત સુધીમાં ફિટ થઈ જશે. લખનઉ સુપર જાયન્ટ્સના કોચ જસ્ટિન લેંગરને વિશ્વાસ છે કે મયંક યાદવ ટુર્નામેન્ટના અંત સુધીમાં ટીમ સાથે જોડાઈ જશે.
LSG માં સ્ટાર બોલરોની ખોટ પડશે
લખનઉનીટીમમાં ઋષભ પંત, ડેવિડ મિલર, એડન માર્કરામ અને નિકોલસ પૂરન જેવા મજબૂત બેટ્સમેન છે પરંતુ ટીમની સાચી સમસ્યા બોલિંગની છે. મોહસીન ખાન, અવેશ ખાન, આકાશ દીપ અને મયંક યાદવ જેવા સ્ટાર બોલરો ઈજાઓથી ઝઝૂમી રહ્યા છે. આવી સ્થિતિમાં પંતે તેના બોલરો કરતાં તેના બેટ્સમેનો પર વધુ નિર્ભર રહેવું પડશે.
DC vs LSG, IPL 2025: સંભવિત પ્લેઈંગ ઈલેવન
દિલ્હી કેપિટલ્સ: જેક ફ્રેઝર-મૈકગર્ક, ફાફ ડુ પ્લેસિસ, અભિષેક પોરેલ, કેએલ રાહુલ (વિકેટકીપર)/કરુણ નાયર, ટ્રિસ્ટન સ્ટબ્સ, અક્ષર પટેલ (કેપ્ટન), આશુતોષ શર્મા, મોહિત શર્મા, કુલદીપ યાદવ, મિશેલ સ્ટાર્ક, ટી નટરાજન. ઈમ્પેક્ટ પ્લેયર: મુકેશ કુમાર.
લખનઉ સુપર જાયન્ટ્સ: યુવરાજ ચૌધરી, મિચેલ માર્શ, ઋષભ પંત (કેપ્ટન, વિકેટકીપર), નિકોલસ પૂરન, આયુષ બદોની, ડેવિડ મિલર, અબ્દુલ સમદ, શાહબાઝ અહેમદ, શાર્દુલ ઠાકુર, રવિ બિશ્નોઈ, શમર જોસેફ. ઈમ્પેક્ટ પ્લેયરઃ પ્રિન્સ યાદવ.