RR vs CSK Live Score: રાજસ્થાને રોમાંચક મેચમાં ચેન્નાઈને 6 રનથી હરાવ્યું, રાણા બાદ હસરંગાએ અદ્દભૂત પ્રદર્શન
RR vs CSK Score Live Updates: ગુવાહાટીમાં આજે રાજસ્થાન અને ચેન્નાઈ વચ્ચે ટક્કર, હેડ ટુ હેડમાં ચેન્નાઈનું પલડું ભારે.
આઈપીએલની એક રોમાંચક મેચમાં રાજસ્થાન રોયલ્સે ચેન્નાઈ સુપર કિંગ્સને ૬ રનથી હરાવી દીધું છે. આ મુકાબલામાં રાજસ્થાન રોયલ્સ તરફથી નીતિશ રાણાએ બેટિંગમાં જ્યારે વાનિન્દુ હસરંગા અને સંદીપ શર્માએ બોલિંગમાં શાનદાર પ્રદર્શન કર્યું હતું.
ચેન્નાઈ સુપર કિંગ્સ રાજસ્થાન દ્વારા આપવામાં આવેલા ૧૮૩ રનના લક્ષ્યનો પીછો કરી રહી હતી ત્યારે કેપ્ટન ઋતુરાજ ગાયકવાડે લડાયક ઇનિંગ્સ રમી હતી. જો કે, તેઓ પોતાની ટીમને જીત અપાવી શક્યા નહોતા. ગાયકવાડે ૪૪ બોલમાં ૬૩ રન બનાવ્યા હતા. રાહુલ ત્રિપાઠીએ ૨૩ રનનું યોગદાન આપ્યું હતું, જ્યારે શિવમ દુબે ૧૮ રન બનાવીને આઉટ થયો હતો. અનુભવી બેટ્સમેન મહેન્દ્ર સિંહ ધોની પણ ૧૬ રન બનાવીને પેવેલિયન પરત ફર્યા હતા. આમ, ચેન્નાઈ સુપર કિંગ્સ નિર્ધારિત ઓવરમાં ૧૭૬ રન જ બનાવી શકી અને મેચ ૬ રનથી હારી ગઈ.
આ પહેલા, રાજસ્થાન રોયલ્સે પ્રથમ બેટિંગ કરતા ૨૦ ઓવરમાં ૧૮૨ રન બનાવ્યા હતા. રાજસ્થાન માટે નીતિશ રાણાએ ધમાકેદાર બેટિંગ કરી હતી અને માત્ર ૩૬ બોલમાં ૮૧ રન ફટકાર્યા હતા. તેમની ઇનિંગ્સમાં ૧૦ ચોગ્ગા અને ૫ છગ્ગા સામેલ હતા. કેપ્ટન રિયાન પરાગે પણ ૩૭ રનનું મહત્વનું યોગદાન આપ્યું હતું, જ્યારે સંજુ સેમસને ૨૦ રન બનાવ્યા હતા. શિમરોન હેટમાયર ૧૯ રન બનાવીને આઉટ થયો હતો.
બોલિંગમાં ચેન્નાઈ સુપર કિંગ્સ તરફથી ખલીલ અહેમદ, નૂર અહેમદ અને મહિષા પથિરાનાએ ૨-૨ વિકેટ ઝડપી હતી, જ્યારે રવીન્દ્ર જાડેજા અને આર અશ્વિનને ૧-૧ વિકેટ મળી હતી. જો કે, રાજસ્થાન રોયલ્સના બોલરોએ અંતિમ ઓવરોમાં શાનદાર બોલિંગ કરીને ટીમને જીત અપાવી હતી, જેમાં વાનિન્દુ હસરંગા અને સંદીપ શર્માનું પ્રદર્શન ખાસ નોંધનીય રહ્યું હતું.
ચેન્નાઈ સુપર કિંગ્સની આશાઓ પર પાણી ફરી વળતું જણાય છે. મહેન્દ્ર સિંહ ધોની માત્ર 16 રન બનાવીને આઉટ થયો હતો. સંદીપ શર્માએ ધોનીને પેવેલિયનનો રસ્તો બતાવ્યો હતો.
ચેન્નાઈએ 19.1 ઓવરમાં 6 વિકેટ ગુમાવીને 164 રન બનાવ્યા છે. તેને જીતવા માટે 19 રનની જરૂર છે.
ચેન્નાઈ સુપર કિંગ્સને જીતવા માટે 6 બોલમાં 20 રનની જરૂર છે. ટીમે 19 ઓવરમાં 5 વિકેટ ગુમાવીને 163 રન બનાવ્યા છે. રવિન્દ્ર જાડેજા 31 રન બનાવીને રમી રહ્યો છે. ધોની 16 રન બનાવીને રમી રહ્યો છે.
ચેન્નાઈ સુપર કિંગ્સને જીતવા માટે 12 બોલમાં 39 રનની જરૂર છે. તેણે 18 ઓવરમાં 5 વિકેટ ગુમાવીને 144 રન બનાવ્યા છે. ધોની 4 રન બનાવીને રમી રહ્યો છે. જાડેજા 24 રન બનાવીને રમી રહ્યો છે.
રાજસ્થાનના બોલરોએ દબાણ વધાર્યું છે.
ચેન્નાઈને મોટો ફટકો પડ્યો છે. કેપ્ટન રૂતુરાજ ગાયકવાડ 44 બોલમાં 63 રન બનાવીને આઉટ થયો હતો. વાનિંદુ હસરંગાએ તેને પેવેલિયનનો રસ્તો બતાવ્યો.
ચેન્નાઈને જીતવા માટે 24 બોલમાં 54 રનની જરૂર છે. ટીમે 16 ઓવરમાં 5 વિકેટ ગુમાવીને 129 રન બનાવ્યા છે. જાડેજા 13 રન બનાવીને રમી રહ્યો છે. મહેન્દ્ર સિંહ ધોની હજુ ખાતું ખોલાવી શક્યો નથી.
ચેન્નાઈ સુપર કિંગ્સને જીતવા માટે 30 બોલમાં 61 રનની જરૂર છે. ટીમે 15 ઓવરમાં 4 વિકેટ ગુમાવીને 122 રન બનાવ્યા છે.
રૂતુરાજ ગાયકવાડ 57 રન બનાવીને રમી રહ્યો છે. રવિન્દ્ર જાડેજા 12 રન બનાવીને રમી રહ્યો છે.
ઋતુરાજ ગાયકવાડે સુકાનીપદની ઇનિંગ રમતા અડધી સદી ફટકારી છે. તે 40 બોલમાં 55 રન બનાવીને રમી રહ્યો છે. રવિન્દ્ર જાડેજા 5 રન બનાવીને રમી રહ્યો છે.
ચેન્નાઈએ 14 ઓવરમાં 4 વિકેટ ગુમાવીને 111 રન બનાવ્યા છે. તેને જીતવા માટે 72 રનની જરૂર છે.
ચેન્નાઈને જીતવા માટે 42 બોલમાં 84 રનની જરૂર છે. ટીમે 13 ઓવરમાં 4 વિકેટ ગુમાવીને 99 રન બનાવ્યા છે. ગાયકવાડ 44 રન બનાવીને રમી રહ્યો છે. રવિન્દ્ર જાડેજા 4 રન બનાવીને રમી રહ્યો છે.
CSKની ચોથી વિકેટ વિજય શંકરના રૂપમાં પડી. તે માત્ર 9 રન બનાવીને આઉટ થયો હતો. હસરંગાએ વિજય શંકરની વિકેટ લીધી હતી. શંકરને આઉટ કર્યા બાદ તેણે પુષ્પા શૈલીમાં ઉજવણી કરી હતી.
ચેન્નાઈએ 12 ઓવરમાં 4 વિકેટ ગુમાવીને 93 રન બનાવી લીધા છે. ગાયકવાડ 41 રન બનાવીને રમી રહ્યો છે. જાડેજા 1 રન બનાવીને રમી રહ્યો છે.
ચેન્નાઈ સુપર કિંગ્સની વધુ એક મોટી વિકેટ પડી. શિવમ દુબે 10 બોલમાં 18 રન બનાવીને આઉટ થયો હતો. તેણે બે સિક્સર અને એક ફોર ફટકારી હતી. હસરંગાએ દુબેને પેવેલિયનનો રસ્તો બતાવ્યો.
ચેન્નાઈએ 10 ઓવરમાં 3 વિકેટ ગુમાવીને 74 રન બનાવ્યા છે. રૂતુરાજ ગાયકવાડ 31 રન બનાવીને રમી રહ્યો છે. વિજય શંકર 1 રન બનાવીને રમી રહ્યો છે.
ચેન્નાઈને જીતવા માટે 66 બોલમાં 121 રનની જરૂર છે. ટીમે 9 ઓવરમાં 2 વિકેટ ગુમાવીને 62 રન બનાવી લીધા છે.
શિવમ દુબે 8 રન બનાવીને રમી રહ્યો છે. રૂતુરાજ ગાયકવાડ 30 રન બનાવીને રમી રહ્યો છે.
ચેન્નાઈ સુપર કિંગ્સની બીજી વિકેટ રાહુલ ત્રિપાઠીના રૂપમાં પડી. તે 23 રન બનાવીને આઉટ થયો હતો. રૂતુરાજ 23 રન બનાવીને રમી રહ્યો છે. હવે શિવમ દુબે બેટિંગ કરવા આવ્યો છે.
ચેન્નાઈએ 7.1 ઓવરમાં 2 વિકેટ ગુમાવીને 46 રન બનાવી લીધા છે.
ઋતુરાજ ગાયકવાડે સંદીપ શર્માની ઓવરમાં ત્રણ ચોગ્ગા ફટકાર્યા હતા. તે 21 રન બનાવીને રમી રહ્યો છે. રાહુલ ત્રિપાઠી પણ 21 રન બનાવીને રમી રહ્યો છે.
ચેન્નાઈએ 6 ઓવરમાં 1 વિકેટ ગુમાવીને 42 રન બનાવ્યા છે.
ચેન્નાઈ માટે રાહુલ ત્રિપાઠી સારી બેટિંગ કરી રહ્યો છે. તે 3 ચોગ્ગા અને 1 છગ્ગાની મદદથી 20 રન બનાવ્યા છે. ગાયકવાડ 8 રન બનાવીને રમી રહ્યો છે.
ચેન્નાઈએ 5 ઓવરમાં 1 વિકેટ ગુમાવીને 28 રન બનાવી લીધા છે.
ચેન્નાઈ સુપર કિંગ્સનું સ્કોરબોર્ડ હજુ પણ ગતિ પકડી શક્યું નથી. ટીમે 3 ઓવરમાં 1 વિકેટ ગુમાવીને 5 રન બનાવી લીધા છે. ગાયકવાડ 4 રન અને રાહુલ ત્રિપાઠી 1 રન સાથે રમી રહ્યા છે.
તુષાર દેશપાંડે અને જોફ્રા આર્ચરે રાજસ્થાનને બીજી ઇનિંગમાં સારી શરૂઆત અપાવી હતી.
ચેન્નાઈ સુપર કિંગ્સે 2 ઓવરમાં 1 વિકેટ ગુમાવીને 4 રન બનાવ્યા છે. ઋતુરાજ ગાયકવાડ 3 રન બનાવીને રમી રહ્યો છે. આ ઓવરનો ત્રીજો બોલ ગાયકવાડના હાથમાં વાગ્યો. તે ઘણી મુશ્કેલી અનુભવી રહ્યો હોવાનું જણાયું હતું. જોકે અત્યારે બેટિંગ કરી રહી છે.
રાહુલ ત્રિપાઠી બીજા છેડેથી ગાયકવાડનો સાથ આપી રહ્યા છે.
ચેન્નાઈની પ્રથમ વિકેટ રચિન રવિન્દ્રના રૂપમાં પડી હતી. તે જોફ્રા આર્ચરના બોલ પર ધ્રુવ જુરેલના હાથે કેચ આઉટ થયો હતો. રચિન ખાતું પણ ખોલાવી શક્યો નહોતો.
ચેન્નાઈએ પ્રથમ ઓવરમાં જ એક વિકેટ ગુમાવી દીધી હતી. ટીમ ખાતું પણ ખોલાવી શકી નથી.
ચેન્નાઈ સુપર કિંગ્સની ઇનિંગ્સ શરૂ થઈ ગઈ છે. રચિન રવિન્દ્ર અને રાહુલ ત્રિપાઠી ઓપનિંગ કરવા પહોંચ્યા છે. રાજસ્થાને જોફ્રા આર્ચરને પ્રથમ ઓવર આપી છે.
રાજસ્થાન રોયલ્સે ચેન્નાઈ સુપર કિંગ્સને જીતવા માટે 183 રનનો ટાર્ગેટ આપ્યો હતો. નીતીશ રાણાએ ટીમ માટે શાનદાર પ્રદર્શન કર્યું હતું. રાણાએ 36 બોલનો સામનો કરીને 81 રન બનાવ્યા હતા. તેણે 10 ફોર અને 5 સિક્સર ફટકારી હતી. રિયાન પરાગે 37 રનનું યોગદાન આપ્યું હતું. સેમસન 20 રન બનાવીને આઉટ થયો હતો. યશસ્વી જયસ્વાલ 4 રન બનાવીને પેવેલિયન પરત ફર્યો હતો. ધ્રુવ જુરેલ 3 રન બનાવીને આઉટ થયો હતો અને હસરંગા 4 રન બનાવીને આઉટ થયો હતો.
ચેન્નાઈ સુપર કિંગ્સ તરફથી નૂર અહેમદ, મહિષા પથિરાના અને ખલીલ અહેમદે 2-2 વિકેટ લીધી હતી. રવિચંદ્રન અશ્વિન અને રવિન્દ્ર જાડેજાએ 1-1 વિકેટ લીધી હતી.
રાજસ્થાન રોયલ્સે ચેન્નાઈ સુપર કિંગ્સને જીતવા માટે 183 રનનો ટાર્ગેટ આપ્યો હતો. નીતીશ રાણાએ ટીમ માટે શાનદાર પ્રદર્શન કર્યું હતું.
રાજસ્થાનની નવમી વિકેટ શિમરોન હેટમાયરના રૂપમાં પડી હતી. હેટમાયર 19 રન બનાવીને આઉટ થયો હતો. પથિરાનાએ તેને પેવેલિયનનો રસ્તો બતાવ્યો.
રાજસ્થાને 19.1 ઓવરમાં 9 વિકેટ ગુમાવીને 176 રન બનાવ્યા છે.
રાજસ્થાન રોયલ્સે 19 ઓવરમાં 8 વિકેટ ગુમાવીને 175 રન બનાવ્યા છે. શિમરોન હેટમાયર 19 રન બનાવીને રમી રહ્યો છે. થીક્ષણા હજુ સુધી ખાતું ખોલાવી શક્યો નથી.
રાજસ્થાન રોયલ્સની આઠમી વિકેટ કુમાર કાર્તિકેયના રૂપમાં પડી હતી. તે માત્ર 1 રન બનાવીને આઉટ થયો હતો. કાર્તિકેય ખલીલ અહેમદે રનઆઉટ થયો હતો.
રાજસ્થાનની સાતમી વિકેટ જોફ્રા આર્ચરના રૂપમાં પડી હતી. તે ખાતું પણ ખોલાવી શક્યો ન હતો. ખલીલના બોલ પર આર્ચરે શોટ રમ્યો, કેપ્ટન ગાયકવાડ લોંગ ઓન પર ઉભા હતા. તેણે કેચ પકડ્યો.
પથિરાનાએ રાજસ્થાન રોયલ્સને મોટો ઝટકો આપ્યો હતો. તેણે રિયાન પરાગને આઉટ કર્યો છે. રેયાન 37 રન બનાવીને આઉટ થયો હતો. તેણે 2 ચોગ્ગા અને 2 છગ્ગા ફટકાર્યા હતા.
રાજસ્થાને 18 ઓવરમાં 6 વિકેટ ગુમાવીને 166 રન બનાવ્યા છે. હેટમાયર 12 રન બનાવીને રમી રહ્યો છે. જોફ્રા આર્ચર હજુ ખાતું ખોલાવી શક્યો નથી.
રાજસ્થાન રોયલ્સે 16 ઓવરમાં 5 વિકેટ ગુમાવીને 153 રન બનાવ્યા છે. રિયાન પરાગ 26 રન બનાવીને રમી રહ્યો છે. શિમરોન હેટમાયર 10 રન બનાવીને રમી રહ્યો છે.
ચેન્નાઈ સુપર કિંગ્સ તરફથી નૂર અહેમદે 2 વિકેટ લીધી હતી. ખલીલ અહેમદ, રવીન્દ્ર જાડેજા અને અશ્વિને એક-એક વિકેટ લીધી છે.
રાજસ્થાનને પાંચમો ફટકો વાનિંદુ હસરંગાના રૂપમાં પડ્યો હતો. તે માત્ર 4 રન બનાવીને આઉટ થયો હતો. રવિન્દ્ર જાડેજાએ હસરંગાને પેવેલિયનનો રસ્તો બતાવ્યો હતો.
ટીમે 14.1 ઓવરમાં 5 વિકેટ ગુમાવીને 140 રન બનાવી લીધા છે. રિયાન પરાગ 23 રન બનાવીને રમી રહ્યો છે. શિમરોન હેટમાયર હવે બેટિંગ કરવા આવ્યો છે.
રાજસ્થાનની ચોથી વિકેટ ધ્રુવ જુરેલના રૂપમાં પડી હતી. તે માત્ર 3 રન બનાવીને આઉટ થયો હતો. નૂર અહેમદે તેને પેવેલિયનનો રસ્તો બતાવ્યો.
ટીમે 13.1 ઓવરમાં 4 વિકેટ ગુમાવીને 134 રન બનાવ્યા છે. રિયાન પરાગ 22 રન બનાવીને રમી રહ્યો છે. વાનિંદુ હસરંગા હવે બેટિંગ કરવા આવ્યો છે.
રવિચંદ્રન અશ્વિને ચેન્નાઈ સુપર કિંગ્સને મોટી વિકેટ અપાવી હતી. નીતિશ રાણા 36 બોલમાં 81 રન બનાવીને આઉટ થયો હતો. આ દરમિયાન તેણે 10 ફોર અને 5 સિક્સર ફટકારી હતી. ધોનીએ રાણાને સ્ટમ્પ આઉટ કર્યો.
રાજસ્થાને 12 ઓવરમાં 3 વિકેટ ગુમાવીને 129 રન બનાવ્યા છે. રિયાન પરાગ 19 રન બનાવીને રમી રહ્યો છે. જુરેલ 1 રન બનાવીને રમી રહ્યો છે.
રાજસ્થાન રોયલ્સની ઈનિંગની 10 ઓવર પૂરી થઈ ગઈ છે. ટીમે 2 વિકેટ ગુમાવીને 99 રન બનાવ્યા છે. નીતિશ રાણા 70 રન બનાવીને રમી રહ્યો છે. રિયાન પરાગ 4 રન બનાવીને રમી રહ્યો છે.
ચેન્નાઈને ખલીલ અહેમદ અને નૂર અહેમદે 1-1 વિકેટ અપાવી છે.
રાજસ્થાનની મહત્વની વિકેટ પડી. સંજુ સેમસન 16 બોલમાં 20 રન બનાવીને આઉટ થયો હતો. તેણે એક ફોર અને એક સિક્સર ફટકારી હતી.
નૂર અહેમદે સેમસનને પેવેલિયનનો રસ્તો બતાવ્યો હતો. રાજસ્થાને 8 ઓવરમાં 2 વિકેટ ગુમાવીને 87 રન બનાવ્યા છે. રાણા 61 રન અને રિયાન પરાગ 1 રન સાથે રમી રહ્યા છે.
રાજસ્થાન રોયલ્સે 7 ઓવરમાં 1 વિકેટ ગુમાવીને 84 રન બનાવ્યા છે. નીતિશ રાણા 25 બોલમાં 60 રન બનાવીને રમી રહ્યો છે. સંજુ સેમસન 19 રન બનાવીને રમી રહ્યો છે.
ચેન્નાઈ સુપર કિંગ્સ વિકેટની શોધમાં છે. ખલીલ અહેમદે તેને અત્યાર સુધી એકમાત્ર વિકેટ અપાવી છે.
નીતિશ રાણાએ તોફાની બેટિંગ કરતાં અડધી સદી ફટકારી છે. તે 22 બોલમાં 58 રન બનાવીને રમી રહ્યો છે. રાણાએ 7 ચોગ્ગા અને 4 છગ્ગા ફટકાર્યા છે. સંજુ સેમસન 16 રન બનાવીને રમી રહ્યો છે.
રાજસ્થાને 6 ઓવરમાં 1 વિકેટ ગુમાવીને 79 રન બનાવ્યા છે.
રાજસ્થાન રોયલ્સ માટે સંજુ સેમસન અને નીતિશ રાણા વિસ્ફોટક બેટિંગ કરી રહ્યા છે. ટીમનો સ્કોર 50 રનને પાર કરી ગયો છે. રાણાએ અશ્વિનની ઓવરમાં સતત બે સિક્સર અને એક ફોર ફટકારી હતી. તે 44 રન બનાવીને રમી રહ્યો છે. સેમસન 15 રન બનાવીને રમી રહ્યો છે.
રાજસ્થાને 5 ઓવરમાં 1 વિકેટ ગુમાવીને 64 રન બનાવ્યા છે.
રાજસ્થાન રોયલ્સ માટે નીતિશ રાણા શાનદાર બેટિંગ કરી રહ્યો છે. તે 9 બોલમાં 18 રન બનાવીને રમી રહ્યો છે. સેમસન 6 રન બનાવીને રમી રહ્યો છે.
રાજસ્થાને 3 ઓવરમાં 1 વિકેટ ગુમાવીને 29 રન બનાવ્યા છે.
રાજસ્થાન રોયલ્સની શરૂઆત ખરાબ રહી હતી. ઓપનર યશસ્વી જયસ્વાલ પ્રથમ ઓવરના ત્રીજા બોલ પર આઉટ થયો હતો. ખલીલ અહેમદે તેને પેવેલિયનનો રસ્તો બતાવ્યો. યશસ્વી 3 બોલમાં 4 રન બનાવીને આઉટ થયો હતો.
રાજસ્થાને પ્રથમ ઓવરમાં 1 વિકેટ ગુમાવીને 9 રન બનાવી લીધા છે. નીતિશ રાણા 4 રન બનાવીને રમી રહ્યો છે. સંજુ હજુ ખાતું ખોલાવી શક્યો નથી.
સ્પર્ધા શરૂ થઈ ગઈ છે. સંજુ સેમસન અને યશસ્વી જયસ્વાલ રાજસ્થાન રોયલ્સ માટે ઓપનિંગ કરી રહ્યા છે. ચેન્નાઈ સુપર કિંગ્સે પ્રથમ ઓવર ખલીલ અહેમદને સોંપી છે.
રાજસ્થાન રોયલ્સની પ્લેઈંગ ઈલેવન: યશસ્વી જયસ્વાલ, સંજુ સેમસન, નીતીશ રાણા, રિયાન પરાગ (કેપ્ટન), ધ્રુવ જુરેલ (વિકેટકીપર), શિમરોન હેટમાયર, વાનિન્દુ હસરાંગા, જોફ્રા આર્ચર, મહેશ થીક્ષાના, સંદીપ શર્મા, તુષાર દેશપાંડે.
ચેન્નાઈ સુપર કિંગ્સની પ્લેઈંગ ઈલેવન: રચિન રવિન્દ્ર, રાહુલ ત્રિપાઠી, રુતુરાજ ગાયકવાડ (કેપ્ટન), વિજય શંકર, રવિન્દ્ર જાડેજા, એમએસ ધોની (વિકેટકીપર), જેમી ઓવરટોન, રવિચંદ્રન અશ્વિન, નૂર અહેમદ, મથિશા પથિરાના, ખલીલ અહેમદ.
ચેન્નાઈના કેપ્ટન રૂતુરાજ ગાયકવાડે જણાવ્યું કે ટીમે પ્લેઈંગ ઈલેવનમાં ફેરફાર કર્યા છે. દીપક હુડ્ડાનું સ્થાન વિજય શંકરને મળ્યું છે. જ્યારે સેમ કુરાનની જગ્યાએ જેમી ઓવરટોનને લાવવામાં આવ્યો છે.
ચેન્નાઈ સુપર કિંગ્સે ટોસ જીતીને પ્રથમ બોલિંગ કરવાનો નિર્ણય કર્યો હતો. રાજસ્થાન રોયલ્સ ટીમ પ્રથમ બેટિંગ કરવા મેદાનમાં ઉતરશે.
બ્રેકગ્રાઉન્ડ
RR vs CSK Score Live Updates: આઈપીએલ ૨૦૨૫ની ૧૧મી રોમાંચક મેચ આજે રાજસ્થાન રોયલ્સ અને ચેન્નાઈ સુપર કિંગ્સ વચ્ચે ગુવાહાટીના મેદાન પર રમાશે. મેચ શરૂ થતા પહેલા ચેન્નાઈ સુપર કિંગ્સના કેપ્ટને ટોસ જીતીને પ્રથમ બોલિંગ કરવાનો નિર્ણય લીધો છે. આ મેચ સાંજે ૭:૩૦ વાગ્યાથી શરૂ થશે અને ચાહકો આ મુકાબલાની આતુરતાથી રાહ જોઈ રહ્યા છે.
આ સિઝનમાં ચેન્નાઈ સુપર કિંગ્સની શરૂઆત ઘણી સારી રહી હતી. તેમણે પોતાની પ્રથમ મેચમાં મુંબઈ ઈન્ડિયન્સને હરાવ્યું હતું, પરંતુ ત્યારબાદ રોયલ ચેલેન્જર્સ બેંગ્લોર સામે તેમને હારનો સામનો કરવો પડ્યો હતો. બીજી તરફ, રાજસ્થાન રોયલ્સ માટે આ સિઝનની શરૂઆત નિરાશાજનક રહી છે અને તેમને પોતાની શરૂઆતની બંને મેચોમાં હારનો સામનો કરવો પડ્યો છે. તેથી, આજની મેચ રાજસ્થાન માટે જીત મેળવવા અને પોઈન્ટ ટેબલમાં પોતાનું સ્થાન સુધારવા માટે ખૂબ જ મહત્વની છે.
જો બંને ટીમોના હેડ ટુ હેડ રેકોર્ડ પર નજર કરીએ તો ચેન્નાઈ સુપર કિંગ્સનું પલડું ભારે દેખાય છે. અત્યાર સુધીમાં આ બંને ટીમો વચ્ચે કુલ ૨૯ મેચ રમાઈ છે, જેમાંથી ચેન્નાઈએ ૧૬ મેચમાં જીત મેળવી છે, જ્યારે રાજસ્થાન રોયલ્સ માત્ર ૧૩ મેચ જીતવામાં સફળ રહી છે. આ બંને ટીમો વચ્ચે છેલ્લી મેચ વર્ષ ૨૦૨૪માં રમાઈ હતી, જેમાં ચેન્નાઈ સુપર કિંગ્સે પાંચ વિકેટે વિજય મેળવ્યો હતો. જો છેલ્લા પાંચ મેચોના પરિણામો પર ધ્યાન આપીએ તો રાજસ્થાને ચાર મેચ જીતી છે અને ચેન્નાઈએ એક મેચ પોતાના નામે કરી છે.
જો કે, ગુવાહાટીના મેદાન પર રાજસ્થાન રોયલ્સનો રેકોર્ડ સારો રહ્યો નથી. ટીમે અહીં અત્યાર સુધીમાં કુલ પાંચ મેચ રમી છે, જેમાં તેઓ માત્ર એક જ મેચ જીતવામાં સફળ રહ્યા છે, જ્યારે ત્રણ મેચમાં તેમને હારનો સામનો કરવો પડ્યો છે અને એક મેચનું કોઈ પરિણામ આવ્યું નહોતું. રાજસ્થાને આ સિઝનમાં પોતાની છેલ્લી મેચ કોલકાતા નાઈટ રાઈડર્સ સામે રમી હતી, જેમાં KKRએ રાજસ્થાનને ૮ વિકેટે હરાવ્યું હતું.
આજની મેચમાં રાજસ્થાન રોયલ્સની પ્લેઈંગ ઈલેવન પર નજર કરીએ તો ઓપનિંગમાં સંજુ સેમસન સાથે યશસ્વી જયસ્વાલ જોવા મળી શકે છે. જ્યારે ચેન્નાઈ સુપર કિંગ્સની વાત કરીએ તો તેઓ રચિન રવિન્દ્ર અને રાહુલ ત્રિપાઠીને ઓપનિંગની તક આપી શકે છે. જો કે, રાહુલ ત્રિપાઠી હજુ સુધી આ સિઝનમાં કોઈ ખાસ પ્રદર્શન કરી શક્યા નથી.
આજની મેચ માટે રાજસ્થાન રોયલ્સ અને ચેન્નાઈ સુપર કિંગ્સની સંભવિત પ્લેઈંગ ઈલેવન નીચે મુજબ છે:
રાજસ્થાન રોયલ્સ: યશસ્વી જયસ્વાલ, સંજુ સેમસન, રિયાન પરાગ (કેપ્ટન), નીતીશ રાણા, ધ્રુવ જુરેલ (વિકેટકીપર), શિમરોન હેટમાયર, શુભમ દુબે, વાનિન્દુ હસરંગા, જોફ્રા આર્ચર, મહેશ થીક્ષાના, તુષાર દેશપાંડે, એસ કુમાર કાર્તિકે.
ચેન્નાઈ સુપર કિંગ્સ: રચિન રવિન્દ્ર, રાહુલ ત્રિપાઠી, રુતુરાજ ગાયકવાડ (કેપ્ટન), શિવમ દુબે, દીપક હુડા/વિજય શંકર, સેમ કુરાન, રવીન્દ્ર જાડેજા, એમએસ ધોની (વિકેટકીપર), આર અશ્વિન, નૂર અહેમદ, ખલીલ અહેમદ, મથિશા પથિરાના.
- - - - - - - - - Advertisement - - - - - - - - -
TRENDING NOW
