એશિયા બહાર સૌથી વધુ વિકેટ લેવા મામલે ભારતીય બોલરોમાં ઇશાંત, કપિલ દેવ સાથે બીજા સ્થાન પર છે. બંન્ને ખેલાડીઓએ વિદેશી પીચો પર 45 ટેસ્ટ મેચમાં કુલ 155-155 વિકેટ લીધી છે. જો ઇશાંત શર્મા એક વિકેટ ઝડપી લેશે તો તે આ યાદીમાં કપિલ દેવથી આગળ નીકળી જશે. મહાન સ્પિનર અનિલ કુંબલે 50 મેચમાં 200 વિકેટ સાથે આ યાદીમાં પ્રથમ સ્થાન પર છે.
ઇશાંતે વેસ્ટ ઇન્ડિઝ સામેની પ્રથમ ટેસ્ટ મેચમાં ભારતને 318 રને જીત અપાવવામાં મહત્વપૂર્ણ ભૂમિકા ભજવી હતી. આ મેચમાં તેણે આઠ વિકેટ ઝડપી હતી. ઇશાંતે અત્યાર સુધીમાં 91 ટેસ્ટ મેચમાં કુલ 275 વિકેટ ઝડપી છે.