FIFA World Cup 2022: કોસ્ટા રિકાને હરાવવા છતા ફીફા વર્લ્ડ કપમાંથી બહાર થયું જર્મની, જાણો કેમ

ફિફા વર્લ્ડ કપના ગ્રુપ-ઈના મુકાબલામાં જર્મનીએ કોસ્ટા રિકાને હરાવ્યું. આ મેચમાં જર્મનીની ટીમે કોસ્ટા રિકાને 4-2થી હરાવ્યું હતું, પરંતુ જર્મનીની ટીમ ટૂર્નામેન્ટમાંથી બહાર થઈ ગઈ છે.

Germany vs Costa Rica: ફિફા વર્લ્ડ કપના ગ્રુપ-ઈના મુકાબલામાં જર્મનીએ કોસ્ટા રિકાને હરાવ્યું. આ મેચમાં જર્મનીની ટીમે કોસ્ટા રિકાને 4-2થી હરાવ્યું હતું, પરંતુ જર્મનીની ટીમ ટૂર્નામેન્ટમાંથી બહાર થઈ ગઈ છે. કોસ્ટા રિકા સામેની જીત છતાં જર્મન ટીમ આગળના રાઉન્ડમાં પહોંચી શકી નથી. વાસ્તવમાં, કોસ્ટા રિકા સામેની મેચમાં, જર્મનીને વધુ સારા ગોલ તફાવત સાથે જીતવાની જરૂર હતી, પરંતુ તેમ થયું નહીં. ગોલ તફાવતના મામલે જર્મનીની ટીમ સ્પેન કરતાં પાછળ રહી ગઈ હતી.

જર્મની વિશ્વ કપની બહાર

જો પોઈન્ટ્સની વાત કરીએ તો જર્મની અને સ્પેનના 4-4 પોઈન્ટ હતા. જર્મની માટે ગ્રેબ્રીએ 10મી મિનિટે ગોલ કર્યો હતો. આ સિવાય કાઈ હાવર્ટ્ઝ (73મો અને 85મો), ફુલક્રગ (89મો) ગોલ કર્યો હતો. આ સાથે જ તેજેડાએ 58મી મિનિટે કોસ્ટા રિકા માટે પહેલો ગોલ કર્યો હતો. જ્યારે જુઆને 70મી મિનિટે ટીમ માટે બીજો ગોલ કર્યો હતો. ખરેખર, આ પહેલા ફિફા વર્લ્ડ કપ 2018માં જર્મની ગ્રુપ સ્ટેજમાં જ બહાર થઈ ગયું હતું. આ રીતે સતત બીજી વખત જર્મનીની ટીમ ગ્રુપ સ્ટેજથી આગળ વધી શકી નથી.

જર્મની કેવી રીતે બહાર થયું ?

આ સાથે જ જાપાને સ્પેનને હરાવ્યું છે. જાપાને સ્પેનને 2-1થી હરાવ્યું. સ્પેન સામેની જીત બાદ જાપાનની ટીમ છેલ્લી 16 ટીમોના નોકઆઉટ રાઉન્ડમાં પહોંચી ગઈ છે. આ મેચની વાત કરીએ તો સ્પેનના આલ્વેરા મોરાટાએ 48મી મિનિટે પહેલો ગોલ કર્યો હતો. આ ગોલ બાદ બંને ટીમનો સ્કોર 1-1થી બરાબર થઈ ગયો હતો, પરંતુ 51મી મિનિટે તનાકાએ ગોલ કરીને જાપાનને 2-1થી આગળ કરી દીધું હતું. ખરેખર, સ્પેન-જર્મનીના પોઈન્ટ 4-4 હતા, પરંતુ સ્પેને 9 ગોલ કર્યા હતા જ્યારે તેની વિરુદ્ધમાં 3 થયા હતા. આ સિવાય જર્મનીએ 6 ગોલ કર્યા હતા અને તેની સામે 5 ગોલ થયા હતા. આ રીતે સ્પેનનું માર્જિન વધુ સારું હતું. 

 

FIFA WC 2022 Qatar: ઉરુગ્વેએ ઘાના સામે 2-0થી જીત મેળવી

કતાર દ્વારા આયોજિત ફીફા વર્લ્ડ કપ 2022 સીઝનમાં, શુક્રવારે (2 ડિસેમ્બર) ના રોજ ગ્રુપ-એચમાં બે મહત્વપૂર્ણ મેચો હતી. ક્રિસ્ટિયાનો રોનાલ્ડોની કપ્તાનીમાં પોર્ટુગલ અને દક્ષિણ કોરિયા વચ્ચે મેચ રમાઈ હતી. જ્યારે બીજી મેચ ઘાના અને ઉરુગ્વે વચ્ચે થઈ હતી. બંને મેચ બાદ આ ગ્રુપમાંથી પોર્ટુગલ અને સાઉથ કોરિયાએ પ્રી-ક્વાર્ટર ફાઇનલમાં પ્રવેશ મેળવ્યો હતો. ઉરુગ્વેએ ઘાના સામે 2-0થી જીત મેળવી છે. આ જીત બાદ પણ ઉરુગ્વે  નોકઆઉટ રાઉન્ડ માટે ક્વોલિફાય કરી શકી નથી.

આ મેચમાં શરૂઆતથી જ ઉરુગ્વેએ પોતાનો દબદબો જાળવી રાખ્યો હતો. મેચના પહેલા હાફમાં જ્યોર્જિયો ડી અરાસ્કેટાએ પોતાની શાનદાર રમત બતાવી ઉરુગ્વેને 2-0ની અજેય સરસાઈ અપાવી હતી. તેણે આ ગોલ પહેલા હાફમાં જ 26મી અને 32મી મિનિટમાં કર્યા હતા. પરંતુ આ જીત સાથે ઉરુગ્વેની ટીમ નોકઆઉટ રાઉન્ડ માટે ક્વોલિફાય કરી શકી નથી.