વોટર લિસ્ટમાંથી નામ ગાયબ થતા ભડકી આ બેડમિન્ટન સ્ટાર, ટ્વિટર પર ઠાલવ્યો ગુસ્સો

જ્વાલા ગુટ્ટાએ પહેલા ટ્વિટ કર્યું કે, તેનું નામ વોટર લિસ્ટમાં નથી, જેથી તે હેરાન છે. ત્યાર બાદ તેણે બીજુ ટ્વિટ કર્યું કે, ચૂંટણી કેવી રીતે થઈ શકે જ્યારે મારું નામ જ વોટિંગ લિસ્ટમાંથી ગાયબ છે.

નવી દિલ્હીઃ રાજસ્થાન અને તેલંગાણામાં આજે મતદાન થઈ રહ્યું છે. સામાન્ય વ્યક્તિથી લઈને મોટા સ્ટાર સુધી પોલિંગ બૂથ પર મત આપવા માટે પહોંચી રહ્યા છે. પરંતુ દેશની સ્ટાર બેડમિન્ટન ખેલાડી જ્વાલા ગુટ્ટા આજે મતદાન ન કરી શકી. જ્વાલાએ ટ્વિટ પર આ વાતની ફરિયાદ પણ કરી.

જણાવીએ કે, રાજસ્થાન અને તંલગાણામાં મતદાન જારી છે. તંલગાણામાં સવારે 7 કલાકે મતદાન શરૂ થયું હતું. અત્યાર સુધી અનેક સ્ટાર મત આપી ચૂક્યા છે. સાઉથ ઇન્ડસ્ટ્રીઝના સ્ટાર નાગાર્જુન, અર્જુન અને ચિરંજીવીએ સવારે મદતાન કર્યું હતું.